袋鼠

坊間有傳聞指，「Kangaroo」呢個袋鼠嘅英文名來自場誤會——澳洲原住民 Guugu Yimidhirr 話嘅 gangurru，係解「唔知道」。約瑟夫·班克斯有次帶隊人行船時，喺努力河（即現時曲鎮港口）泊岸，去修理爛咗近七個禮拜嘅船，其間佢哋發現到呢種咁古靈精怪嘅動物，就走去問啲土著。雞同鴨講之後，是旦用咗「唔知道」嘅土話音起咗個英文名，之後啲歐洲人一路繼續噉樣用，無改返。

1898年，人類學家 Walter Roth 寫信畀 The Australsian 嘅編輯話「gangurru」對於昆士蘭嘅 Guugu Yimidhirr 人意思係「black kangaroo（黑色嘅袋鼠）」。語言人類學家 John Haviland 研究 Guugu Yimidhirr 呢隻話時亦贊成呢個講法。

 

生物學分類同英文俗名唔對應……只有肆種袋鼠嘅英文名叫做「Kangaroo」；

• 赤大袋鼠（Macropus rufus／Red Kangaroo）係現存最大嘅有袋類。赤大袋鼠生活喺澳洲中部嘅半沙漠地帶。成年雄性袋鼠嘅身長可達 2 米，體重可達90千克（200磅）。
• 東部灰大袋鼠（Macropus giganteus⁄Eastern Grey Kabgaroo）雖然冇赤大袋鼠咁出名，但係東部灰大袋鼠係最常見嘅。生活喺較為肥沃嘅地區。
• 西部灰大袋鼠（Macropus fuliginosus／Western Grey Kangaroo）細過上述兩者：成年雄性嘅體重為54千克（119磅）。生活喺澳洲西南海岸同達令河盆地。
• 羚大袋鼠（Macropus Antilopinus／Antilopine Kangaroo）多數住喺澳洲北邊，毑嘅灰色，公嘅啡紅色。

短尾矮袋鼠（Setonix brachyurus / Quokka）—— 家下死剩一種，只係喺澳洲西南海邊野生。爾隻嘢同家貓咁上下大，個樣幾得意，連野生嗰啲都唔驚人，好多遊埠友會去羅特尼斯島睼渠地。

同其他更細隻嘅有袋類唔同，越大隻嘅袋鼠適應力越強，亦同人類經歷咗澳洲幾長嘅共同歷史。以前歐洲新移民大幅砍伐森林，改造成草原，要來放牧綿羊同牛等等。袋鼠都係食草嘅，唔使驚餓親。相比之下，好多細隻嘅品種就面臨較大嘅生存威脅，數量亦較少。目前並無大規模嘅袋鼠養殖業，不過野生嘅袋鼠會被獵殺，賣畀人食，又會整成狗罐頭，而依種產業一直仲有人爭拗緊。

袋鼠肉係紅肉，味道似牛肉，脂肪少，未發現過有可以惹到人嘅傳染病……唔少研究話食渠哋有益身體，又環保。不過袋鼠肉天生質地韌，帶啲酸味，煮起來好考功夫。對比起一早俾人馴化咗，兼配種養殖千百年，專攞嚟食嘅豬、牛、羊、雞、鴨、鵝等等禽獸，袋鼠肉係餐碟上面嘅稀客（即使係喺澳洲）。由2013年起，澳洲政府就開始大肆推銷，想大賣袋鼠肉去中國大陸。

同樹熊一樣，袋鼠係澳洲最為人所知嘅動物。袋鼠同鴯鶓嘅圖案經常可以喺澳洲人胳膊外套上見到。袋鼠亦經常成為嗰度一系列玩具同紀念品嘅代表。例如商標嘅一部分澳洲航空，佢係澳洲規模最大嘅航空公司。澳大利亞全國橄欖球同盟隊都係以袋鼠作為綽頭嘅。

喺以前，袋狼同袋獅等嘅有袋類食肉動物係袋鼠嘅主要天敵，但爾啲物種都捱唔過人或自然威脅，相繼絕種。而家，人類同後期被引進嘅澳洲野狗已成為袋鼠嘅主要天敵。

1960年代，荔園動物園有養袋鼠。香港海洋公園都有，就喺現時「兒童王國」嘅位置，舊時係「兒童動物園」，1992年左右拆咗……香港動植物公園養過樹袋鼠，叫做古氏樹袋鼠。有人提議過養沙袋鼠，回應係「面積太細」，拒絕咗。

• 樹袋鼠
• 有袋類