第1屆不丹國民議會選舉

第1屆不丹國民議會選舉
不丹選舉政治專題
• 2013 ›
2008年3月24號
選舉類型				國民議會
議席數目				47
選舉席次				47
選舉統計
選民人數						318,465
總投票數						253,012
‎總投票百分比
							79.4%
			廷禮－不丹繁榮進步黨
			投票數				169,490
			獲得議席						45
									67.04%
			乃杜－人民民主黨
			投票數				83,322
			獲得議席						2
									32.96%
投票分析圖
45   不丹繁榮進步黨						2   人民民主黨
不丹總理
						選後 廷禮 不丹繁榮進步黨

呢次選舉只有不丹繁榮進步黨同人民民主黨去到不丹選舉委員會度登記參選。原本不丹國家黨係有去登記成為第三個政黨參選，但係佢之後又去向選舉委員會取消參選申請。

選舉係兩輪投票制，喺第一輪投票入面，政黨都會派人出嚟參加全國二十個宗嘅初選。攞到最高票數嘅兩個政黨就可以喺第二輪選舉入面派出候選人，去爭國民議會入面47個議席。

但係今次選舉只有兩個政黨有派人出嚟選，所以就唔使舉行第二輪選舉。

模擬選舉

2007年4月21號，不丹舉行模擬選舉國民議會全部47席，並係全國開咗869個模擬投票站。而呢次模擬參選嘅政黨有雷龍黃黨（代表傳統觀念）、雷龍紅黨（代表產業發展）、雷龍藍黨（代表公平問責）、雷龍綠黨（代表保護環境）。邊兩個政黨攞到最票數就會喺5月28號進行第二輪投票決一生死。模擬選舉觀察員係由聯合國同印度嚟做。

結果能夠入去第二輪投票嘅兩個政黨分別係雷龍黃黨同雷龍紅黨，5月28號舉行第二輪投票決一生死，而舉行第二輪投票嘅目的係要將國會變成兩黨制，咁樣可以防止出現聯合政府同埋政治不穩。而第二輪投票由雷龍黃黨攞晒全部47席。第二輪投票率有66％。

呢次模擬選舉有283,506人登記投票，原本政府諗住會有40萬合資格嘅人會登記做選民。