נפתלי רובין

רבי נפתלי איז געבוירן אין יאר ה'תרכ"א צו זיין פאטער הרב שמואל רובין רב אין קארטשין, א זון פון הרב אהרן רובין פון רימאנאוו, א זון פון הרב אשר ישעיה רובין, רב אין ראפשיץ.

נאך זיין חתונה האט רבי נפתלי געגעסען קעסט ביי זיין שווער אין שינאווא, דארט האט ער געלערנט אונאיינעם מיט זיין שוואגער דער פריסטיקער רב. זיי האבן געלערנט מיט אן אויסערגעווענליכע פלייסיגקייט, זייערע ווייבער האבן זיך באקלאגט אז זיי האבן געהייראט מלאכים.

רבי נפתלי'ס שווער האט געזארגט אז מען זאל אים אויפנעמען רב אין ליזשענסק, אין יאר ה'תרמ"ט איז ער געווען רב אין קאלוואריע, אין יאר ה'תרנ"ט איז ער געווארן דיין אין נאכהער רב אין ווישניצא.

רבי נפתלי איז נפטר געווארן י"ג ניסן ה'תרח"ץ אין עלטער פון זעקס און אכציג יאר.

רבי נפתלי האט געהייראט בזיווג ראשון מרת מרים מלכה א טאכטער פון הרב יחזקאל שרגא האלבערשטאם דער שינאווער רב. זי איז נפטר געווארן הושענא רבא כ"א תשרי ה'תר"ס. זייערע קינדער:

• מרת רבקה, די ווייב פון הרב חיים שטיינמעטץ פון מיהלוביץ.

• מרת מינדל ( - י"ז טבת ה'תרע"ח), די ווייב פון הרב יצחק רובין (ה'תר"ם - כ"ט תשרי ה'תרע"ו), רב אין צפת.

• הרב חיים ברוך רובין הי"ד (ה'תרמ"ב - ג' אלול ה'תש"ג), ממלא מקום פון פאטער, רב אין ווישניצא.

• הרב חנה צבי הירש רובין (ה'תרמ"ד - ה'תש"ג), סאטמארער רבי אין צאנז, ער האט געהייראט מרת עכסא א טאכטער פון הרב יחיאל נתן האלבערשטאם, רב אין בארדיאוו. זיי האבן נישט געהאט קיין קינדער.

• מרת רייצא הי"ד, די ווייב פון הרב נחום אפרים האלבערשטאם הי"ד (ה'תר"ם (אומגעפער) - ה'תש"ב (אומגעפער) ), פון טארנא, א זון פון הרב אריה לייביש האלבערשטאם, רב אין טארנא.

• מרת חנה רחל, די ווייב פון הרב אביגדור האלבערשטאם (ה'תר"ן (אומגעפער) - ה' כסלו ה'תרע"ז), פון פריסטיק, א זון פון הרב מנחם מענדל האלבערשטאם, רב אין פריסטיק.

• הרב אלעזר רובין, רבי אין ניסקא

• מרת מיריש

• הרב יונה רובין הי"ד, ער האט געהייראט מרת חנה לאה, א טאכטער פון זיין פעטער הרב אשר רובין רב אין קארטשין. ער האט נישט געהאט קיין קינדער.

בזיווג שני האט רבי נפתלי געהייראט מרת טונא א טאכטער פון דער פינפטער רביצין פון שינאווער רב מרת שיינדיל, א טאכטער פון הרב אברהם געווירצמאן פון גארליץ (דער זיידע פון רבי איציקל פשעווארסקער), אן אייניקל פון נועם אלימלך. זייערע קינדער:

• מרת חיה שרה, די ווייב פון הרב יחזקאל שרגא האלבערשטאם פון סטראפקאוו, א זון פון הרב מנחם מענדל האלבערשטאם, רב אין סטראפקאוו.

• הרב שמואל רובין פון לאס אנדזשעלעס, ער איז נפטר געווארן ל' סיון ה'תשמ"ט, ליגט אין צפת.

• י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
• אנציקלופדיה לחכמי גליציה, מאיר וונדר