הרר יעקב לייזער (ו' טבת
געבורט | 3 יאנואר 1906 פוילן | |
---|---|---|
טויט | 16 נאוועמבער 1998 (אלט 92) אנטווערפן, בעלגיע | |
מדינה | בעלגיע | |
פאך | רב | |
ר' יעקב איז געבוירן ו' טבת ה'תרס"ו צו ר' דוד יצחק, א שינאווער חסיד, און פעסל תרצה, אין דעם דערפל רויג וואס געפינט זיך נישט ווייט פון רימאנאוו, וועסט־גאליציע (היינט פוילן).
ר' דוד יצחק האט זיך געצויגן מיט זיין משפחה קיין יאשליסק וואו דארט האט ר' יענקעלע געלערנט ביי די ארטיגע רבנים, רבי אפרים דוד האלבערשטאם און נאך.
נאך דער בר־מצוה אין יאר תרע"ט האט ר' יאנקעלע אנגעהויבן לערנען אין דוקלע, אין דער ישיבה פון רבי דוד טעוולי, א חשובער טשארטקאווער חסיד. אין דער ישיבה האבן געלערנט ר' יקותיאל יהודה האלבערשטאם, דער צוקונפטיגער קלויזנבורגער רבי, און ר' פינחס הירשפרונג, שפעטער רב אין מאנטרעאל און נאך עילויים.
אבער בעיקר איז ער געווען א תלמיד פון ר' חנה האלבערשטאם דער קאלאשיצער רב.. און יאר ה'תר"צ איז ער א חתן געווארן צו הרבנית אלטע בינא, די טאכטער פון ר' איציקל, דער פשעווארסקער רבי, און האט חתונה געהאט פינף יאר שפעטער. נאך דער חתונה איז ער געגאנגען וואוינען ביי זיין שווער.
אין דער צווייטער וועלט מלחמה זענען זיי פארשיקט געווארן קיין סיביר. נאך דער מלחמה זענען זיי צוריק געקומען קיין פוילן און ר' יענקעלע האט זיך באזעצט אין ברעסלוי וואו ער האט געדינט אלץ מנהיג, וואו ער האט געפסקענט שווערע שאלות פון נאך די מלחמה, מייסטענס שאלות עגונה. נאך אנדערט האלב יאר איז ער געפארן וואוינען ביי זיין שווער אין קראקע, און אום חנוכה ה'תש"ט האבן זיי זיך געצויגן קיין פאריז, און פון דארטן האבן זיי זיך אום כ' אדר א' ה'תשי"ז פלאצירט און אנטווערפן.
אלס בחור (ביז צו דער חתונה) צוויען די יארן ה'תרצ"א - ה'תרצ"ו איז ער געווען רב אין יאשליסק. נאך דער פטירה פון זיין שווער ר' איציקל אין יאר ה'תשל"ז, האט מען אים אויפגענומען אלץ ממלא מקום צו ווערן פשעווארסקער רבי. ער האט געפירט די רעביסטעווע אין דעם פשעווארסקער ביהמ"ד אויף מערקאטאר־גאס אין אנטווערפן.
ר' יענקעלע פלעגט זאגן שיעורים אויף חומש רש"י, פרקי אבות, עין יעקב און סיפורי צדיקים. אויך האט ער אנדערט האלב יאר געזאגט תורה פרייטאג צו נאכטס. רוב שיעורים זענען היינט שוין רעקארדירט.
ס'איז דא א גרופע מענטשן אונטערן נאמען זכות אבות וואס געבן זיך אפ מיט אפדריקן די שיעורים, וואו אויך נעמען זיי צאם מנהגים לבית פשעווארסק און זיי געבן ארויס קונטרסים לויט די חדשים.
ר' יענקעלע איז נפטר געווארן ז"ך מרחשון. ער ליגט אין דעם בית החיים אין פיטע, האלאנד.
ער האט געהאט דריי קינדער:
אמרי יעקב על התורה ומועדים ארויסגעגעבן דורך זיין זון דער פשעווארסקער רבי
פֿריערדיגער: הרה"צ משה יצחק געווירצמאן זצוק"ל | אדמורי"ם פון פשעווארסק תשל"ז - תשנ"ט "י"ג אורות" | נאָכפֿאלגער: כ"ק אדמו"ר רבי לייבוש מפשעווארסק שליט"א. |
This article uses material from the Wikipedia ייִדיש article יעקב לייזער, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.