רבי חנה האלבערשטאם היד (ו' תמוז
רבי חנה האלבערשטאם, קאלאשיצער רב | |
געבורט | ו' תמוז ה'תרמ"ד |
---|---|
טויט | י"ח תשרי ה'תש"ג |
פאטער | מנחם מענדל האלבערשטאם |
רבי חָנה איז געבוירן ו' תמוז ה'תרמ"ד צו זיין פאטער הרב מנחם מענדל האלבערשטאם, רב אין פֿריסטיק, א זון פון הרב אריה לייביש האלבערשטאם, רב אין דוקלא, א זון פון הרב דוד האלבערשטאם רב אין קשאנאוו, א זון פון הרב חיים האלבערשטאם, דער דברי חיים. און צו זיין מוטער מרת פייגא ביילא א טאכטער פון הרב יחזקאל שרגא האלבערשטאם, דער שינאווער רב.
פאר רבי חנה איז געבוירן, איז זיין מוטער די פריסטיקער רביצין אריין צו איר פאטער דער שינאווער רב, וועלכער האט זיך געקליבן צו פארן קיין קרעניץ זיך אויסרוען, זי האט געוויינט ביים זיידן ער זאל איר אנווינטשן אז זי זאל האבן א לייכטן געבורט און דאס קינד זאל בלייבן לעבן, (ווייל ביז דאן האבן זיך נישט געהאלטן ביי איר קיין קינדער ל"ע). דער פאטער האט איר געענטפערט, די טראגסט אין דיר א צדיק, האט זיך דער משב"ק רבי אנשיל אנגערופן מיט א ווערטל, א צדיקת, האט דער פאטער איבערגעזאגט, ניין, א צדיק.
ער האט חתונה געהאט מיט זיין ווייב פעסיל, א טאכטער פון הרב משה האלבערשטאם דער בארדיובער רב, דער עלטסטער זון פון הרב ברוך האלבערשטאם פון גארליץ, א זון פון הרב חיים האלבערשטאם, דער צאנזער רב.
רבי חנה איז יונגערהייט שוין געווען רב אין קאלאשיץ, ביי דעם ערשטן וועלט קריג איז ער אנטלאפן קיין קאשוי, דארט האט ער געוואוינט זיבן יאר. אין יאר ה'תרפ"ג איז ער צוריק געקומען קיין גאליציע און זיך באזעצט אין ריישא, דארט האט ער געפירט א ישיבה זרע קודש פאר יונגע בחורים.
רבי חנה איז געווען איינע פון די אנגעזעהנע רבי'ס אין זיין צייט, און ער איז געווען אן אויסגערופענער קעמפער קעגן דער ציוניסטישע באוועגונג. רבי חנה איז געווען א פייערדיגער שטיצער פון קופת רבי מאיר בעל הנס, דערפאר האט ער נישט צוגעלאזט די פושקעס פון ישיבת חכמי לובלין.
רבי חנה איז דערשאסן געווארן דעם צווייטן טאג חול המועד סוכות, י"ח תשרי, ה'תש"ג, אין עלטער פון 58 יאר, הי"ד. מקום קבורה 49°46′32″N 21°33′09″E / 49.775461°N 21.552473°E.
רבי חנה האט געהייראט מרת פעסיל א טאכטער פון הרב משה האלבערשטאם, דער בארדיובער רב, א זון פון הרב ברוך האלבערשטאם, דער גארליצער רב. זייערע קינדער:
This article uses material from the Wikipedia ייִדיש article חנה האלבערשטאם, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.