בעריליום
בעריליום איז דער כעמישער עלעמענט מיט סימבאל Be און אטאם נומער 4.
ער איז אן אלקאלי ערד מעטאל און האט א גאר הויכן שמעלצפונקט.
אלס א גרופּע צוויי מעטאל ווי מאַגנעזיום און קאלציום זענען עס פאראן נאר צוויי עלעקטראנען אין זיין אויסערן עלעקטראן שאל ארביטאל וואס איז אין דעם דאזיגן פאל "2s2" אלס די עלעקטראנען-קאנפיגוראציע. כדי צו שאפן אן ענערגעטיש שטאבילן צושטאנד, וועט בעריליום גרינג פארלירן די "2s2" עלעקטראנען אין א סאך כעמישע רעאקציעס.
בעריליום געפינט זיך אין נאטור נאר פארבינדן מיט אנדערע עלעמענטן אין מינעראלן. באוואוסטע איידלשטיינער וואס אנטהאלטן בעריליום זענען בעריל (אקוואמארינען און שמאראקן) און כריסאבעריל. דער עלעמענט אליין איז א שטאל־גראער, שטארקער, גרינגער, קרישלדיקער אלקאלי ערד מעטאל. ער איז נוצבאר אין ראקעטן.
This article uses material from the Wikipedia ייִדיש article בעריליום, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.