ჩადი (ინგლ.
ტობა იდვალუაფჷ ბჟადალი-ცენტრალური აფრიკაშ საჰელიშ ზონას. ჸეთი ტერიტორიას სოდეთ ასე ჩადიშ ტობა იდვალუაფუნჷ, აფრიკაშ ჰუმიდური პერიოდიშ ბორჯის არსებენდჷ ეპიკონტინენტალური ზუღა, ნამუსჷთ მენცარეფი მეგა-ჩადის უძახჷნა. ფართობით მეგა-ჩადი კასპიაშ ზუღაშე უმოსი ჸოფე დო თის ნოკებუე დოხოლაფირო ართი მილიონი კვ. კმ. მენცარეფიშ აზრით თეხანური ჩადიშ ტობა ანტიკური პერიოდიშ მეგა-ჩადიშ ჭიჭე ნორთი რე.
ჩადი | |
---|---|
ინგლ. Lake Chad ფრანგ. Lac Tchad არაბ. بحيرة تشاد | |
ჩადიშ ტობა რუკას | |
ორენი | ჩადი კამერუნი ნიგერი ნიგერია |
სიმაღალა ზუღაშ დონეშე | 278-286 მ |
ფართობი | 1,540 კმ² |
წყარპიჯიშ ღოზიშ სიგჷრძა | 650 კმ |
მაქსიმალური სიტომბა | 11 მ |
ოშქაშე სიტომბა | 1.5 მ |
ღანჩოშ ფართობი | 2 381 635 კმ² |
ინმალი წყარმალუეფი | შარი |
რომაელეფი ჩადიშ ტობას უჯვეშაში პერიოდიშე იჩინენდეს დო თინეფქ ტობაშ დაგურაფალო ექსპედიციეფი ხოლო მანწყის. რომაელეფი ტობას ჰიპოპოტამიშ ტობას უძახჷდეს. მაართა ევროპალეფი ნამუეფქჷთ ტობა გიმირკვიეს რდეს გერმანალეფი.
ჩადიშ ტობა ფართობით აფრიკაშ ართ-ართი უდიდაში ტობა რდჷ. მარა თიში ფართობი ბრელი ხანი რე იჭიჭარებუ. 1960-იან წანეფს ტობაშ ფართობი დოხოლაფირო 26,000 კვ.კმ. რდჷ. 2000-იან წანეფშე ტობაშ ფართობიქ 1,500 კვ.კმ.-შახ დეჭიჭარჷ. არძოშ უმოს კატასტროფული სიტუაცია ტობას უღუდჷ 1986 წანას, მუჟამსჷთ თიში ფართობი 279 კვ.კმ. რდჷ. ჩადიშ ტობა ტომბა ვარე. თიში ოშქაშე სიტომბა ხვალე 1,5 მეტრა რე დო მაქსიმალური სიტომბა 11 მ. მენცარეფიშ აზრით XXI ოშწანურაშ ბოლოს ტობაქ შილებე გვალო გესქირასინჷ.
ჩადიშ ტობას დიდი ეკონომიკური შანულობა უღჷ. ტობაშე წყარით იმარაგებჷ 30 მლნ. ადამიერი. ტობაშა მიშმურს წყარმალუეფი შარი დო იობე.
This article uses material from the Wikipedia მარგალური (Margaluri) article ჩადი (ტობა), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.