პორტუგალიური ვიკიპედია

დირსხჷ 2001 წანაშ მანგის. 2004 წანაშ ბოლოშე ძალამო მიძინჷ. 2005 წანაშ მესიშო სტატიეფიშ მუდანობათ გუწულუ ესპანურ დო იტალიურ ვიკიპედიეფს. ოშინალი რე, ნამდა 2004 წანაშო პორტუგალიურ ვიკიპედიას სტატიეფიშ მუდანობათ უკინებუდჷ 17 აბანი. 2010 წანაშ ქირსეთუთას უწორუ ნიდერლანდურ ვიკიპედიას. 2005 წანას პორტუგალიური ვიკიპედიაშ განშე რდჷ მერზიება ფორკისშ თოლწონუათ ბრაზილიური პორტუგალიური ვარიანტიშ ქიმინუაშენ, მორო ვიკიმედიაშ კათაქ ვარია თქუ. 2007 წანას რდჷ ევროპული პორტუგალიური ვიკიპედიაშ ნინობური ნორთიშ დორსხუაფაშ გამორსა, მორო პოტიკიქ იჸუ. პორტუგალიურ ვიკიპედიაშ ადმინისტრატორეფს შხირას აკრიტიკენა. კერზას, ადმინისტრატორეფშა გეუძჷნა აგრესიულო რჯება ახალი დო ანონიმური მახვარებუეფშა.

პორტუგალიური ვიკიპედია Wikipédia em português
მიოწურაფუ:	pt.wikipedia.org
კომერციული:	ვარი
საიტიშ ტიპი:	რშვილური ენციკლოპედია
რეგისტრაცია:	ვა რე უციო
ნინა:	პორტუგალიური
მინჯე:	ფონდი ვიკიმედია
მუშობაშ დოჭყაფა:	2001 წანაშ მანგი
სტატიეფიშ მუდანობა:	1,122,789
ხასჷლეფიშ მუდანობა:	5,682,337
რედაქტირაფეფიშ მუდანობა:	67,625,254
რეგისტრირაფილი მახვარებუ:	3,061,302
აქტიური მახვარებუ:	8,412
ადმინისტრატორი:	51
სიტომბა:	196.3

ათეჟამო პორტუგალიურ ვიკიპედიას რე 31 ადმინისტრატორი, აქტიური მახვარებუეფიშ რიცხუ ძალამი მაღალი რე. 2012 წანაშო ვიკიპედიაშ პორტუგალიურ ნინობურ ნორთის რდჷ სოდგარენ 734 ვითოში სტატია. 2017 წანაშ 21 მარაშინათუთაშ მუნაჩემეფით, პორტუგალიურ ვიკიპედიას რდჷ 976 492-შე მეტი სტატია.

• პორტუგალიური ვიკიპედია (პორტუგალიური)
• პორტუგალიური ვიკიპედია – მობილური ვერსია (პორტუგალიური)