კოლონოსკოპია, კოლოსკოპია რე ენდოსკოპიური პროცედურა შხუ ფაშიშ ორკვიებელო.
კოლონოსკოპიაშ ბორჯის გიმორინუაფჷ ვიდეო-კამერა, ნამუთ შხუ ფაშიშა მიშმაჸუნა ანუსიშე. კოლონოსკოპია გიმირინუაფჷ შხუ ფაშიშ პოლიპეფიშ, კიბოშ დო შხვა ლახარეფიშ დიაგნოსტიკაშო. პროცედურაშ ბორჯის შილებე იკეთინას ბიოფსიაქ ხოლო. ბიოფსიათ მეღებული მასალა უკულ იჯღონჷ ლაბორატორიაშა, სოდეთ თის მიკროსკოპიშ გიმორინაფათ ირკვიენა. კოლონოსკოპიაშ ბორჯის შილებე მიკიჭკირას არძაშე უჭიჭაშ პოლიპეფქ ხოლო. პოლიპი შილებე კანცეროგენული რდას. პოლიპეფს ოკო დოხოლაფირო 15 წანა კანცეროგენულო გინირთასი. კოლონოსკოპიას რისკეფი ხოლო უღუ, მაგალთო: შხუ ფაშიშ პერფორაცია. მარა რისკი მინიმალური რე დო სერიოზული რისკიშ მუდანობა დოხოლაფირო 0.35 %-იშ ეშე ვარე. არსებენს ვირტუალური კოლონოსკოპიაშ მეთოდი ხოლო, ნამუთ გიმირინუანს კომპიუტერული დო ვარ და მაგნიტო-რეზონანსულ ტომოგრაფიას. ვირტუალური კოლონოსკოპიაშ ბორჯის პოლიპიშ დო კანცეროგენული მასალაშ ბიოფსია ვეკეთინე. პოლიპიქ ქიძირუ და სტანდარტული კოლონოსკოპია რე უკულ ოკეთებელი. კოლონოსკოპიაშ ისტორია იჭყაფჷ 1960-იან წანეფშე, იაპონიას, ტოკიოშ უნივერსიტეტის. უკულიან წანეფს ტექნიკაქ დო ინსტრუმენტეფქ ხოლო გეუჯგუშჷ.
This article uses material from the Wikipedia მარგალური (Margaluri) article კოლონოსკოპია, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.