ინტერვენცია გამბიას კოდური ჯოხოდვალა „დემოკრატიაშ აკოდგინუაშ ოპერაცია“ — ოურდუმე კონფლიქტი ბჟადალ აფრიკაშ მუსხირენ ქიანაშ დო გამბიაშ შქას, ნამუთ გჷმიჭანუ გამბიაშ პრეზიდენტ იაჰია ჯამეშ უარქ 2016 წანაშ 1 ქირსეთუთაშ გიშაგორუეფიშ ჩინებაშ გეშა, ნამუსჷთ გომორძგუალა მიპალუ ოპოზიციაშ წჷმმარინაფალ ადამა ბაროუქ.
ინტერვენცია გამბიას | |||||||||
---|---|---|---|---|---|---|---|---|---|
გამბია ეკოვასიშ კოალიცია | |||||||||
| |||||||||
კუნთხუეფი | |||||||||
გამბია | ECOWAS: | ||||||||
მადუდეეფი | |||||||||
იაჰია ჯამე აბდულიე ბოიანგი | ადამა ბაროუ მაკი სალი მუჰამადუ ბუჰარი ნანა აკუფო-ადო | ||||||||
ნძალეფი | |||||||||
2 500, 200 (კდნყ), 2 000-შახ დოქირებული | : 200-800 მუსხირენი ფურინჯი 1 ოურდუმე ნიში | ||||||||
ნოდინაფეფი | |||||||||
უჩინებუ | ჩინებუ | ||||||||
45 000 ტოლვილი |
ECOWAS-იშ კუნთხუშე ინტერვენციას ოკათუდჷ სენეგალიშ, განაშ დო ნიგერიაშ აკოანჯარაფილი ნძალეფი. ნიგერიაქ თაშნეშე გჷმირინუ ფურინჯეფი დო ნიშეფი. კანკალე მუნაჩემეფით ინტერვენციას ოკათუდჷ მალიშ დო ტოგოშ ნძალეფი ხოლო. გამბიაშ არმია ვაპირენდჷ კათაფას პოლიტიკურ დებას. თეშ გეშა გაცხადჷ გამბიაშ აკოანჯარაფილი ნძალეფიშ შტაბიშ უნჩაშ გენერალქ უსმან ბაჯიქ. მარა კანკალე გოურდუმაფილი დჷნობუნა იშენით სქიდუდჷ იაჰია ჯამეშ ართგური. სენეგალარ არყებულ სეპარატისტულ კაზამანსიშ დემოკრატიული ნძალეფიშ ყარაფიქ ქაკათჷ პრო-პრეზიდენტურ ნძალეფს დო მანწყუეს აკოანჯარაფილი დებეფი სენეგალიშ ხურგის.
ბჟადალ აფრიკაშ ქიანეფიშ ეკონომიკურ წორომაჸალობაქ გჷნოჭყვიდჷ, 2017 წანაშ 19 ღურთუთას ქაკათაფუდუკონ გამბიაშ კონსტიტუციურ კრიზისის. ოურდუმე ოპერაციაშ დოჭყაფა გოპიჯალუ პრეზიდენტ იაჰია ჯამეშ უარქ პოსტიშე გინორინაშე საპრეზიდენტო გიშაგორუეფს მარცხებაშ უმკუჯინალო.
2017 წანაშ 19 ღურთუთას სენეგალიშ არმიაქ გემშართჷ გამბიაშ ტერიტორიაშა, კანონიერო გიშაგორილი პრეზიდენტიშ ადამა ბაროუშ ხეშუულებაშა მოულა ქიანაშ კონსტიტუციაშ თხილუათ უნარღელჸოფაშ გეშა. თიმ დღას ბოტსვანაშ პრეზიდენტი იან კჰამაქ გაცხადჷ, ნამჷ-და თიშ ქიანა უკვე ვაკოროცხუნდჷ იაჰია ჯამეს გამბიაშ მადუდეთ.
19 ღურთუთას, გოეროშ უშქურანჯობაშ სხუნუქ მიღჷ რეზოლუცია, ნამუთ მოუჭანუანდჷ კუნთხუეფს პატი ცან გამბიალი კათაშ ნებას დო გიშაგორუეფიშ შედეგის, ნამუშ მეჯინათ გიშაგორილი პრეზიდენტი რე ადამა ბაროუ. მარა რუსეთიშ დო ეგვიპტეშ კონწარი მოთხირით რეზოლუცია ვარდჷ უციო. ააშ-იშ სახენწჷფო დეპარტამენტიშ პრეს-სპიკერიშ გჷნაცხადით ინტერვენციაქ ოკო „დარეგულირას დაძაბულ სიტუაციაქ გამბიას“.
გამბია ოზუღე ბლოკადას ქინახუნუ ნიგერიაშ ფლოტიქ. მაართა ოსქირონე დებაქ სენეგალიშ არმიაშ დო კაზამანსიშ დემოკრატიული ნძალეფიშ ყარაფიშ შქას მოხვადჷ გამბიაშ ობჟათეშე სენეგალიშ ხურგის მადვალუ პრეზიდენტ იაჰია ჯამეშ მასქერულ ოფუტე კანილაის. ნიგერიაშ ოურდუმე-ოჰეერე ნძალეფქ დობომბეს პრეზიდენტიშ მოხუჯე დჷნობუნეფიშ პოზიციეფი.
თეშ უკული სენეგალქ ობორჯეთ გაჩერჷ ოურდუმე მენტება დო პრეზიდენტ ჯამეს საშუალება მეჩჷ პოსტიშე გეგნორინაფედუკონ 20 ღურთუთაშ ონდღეშა. მარა კინ თე ბორჯის ნიგერიაშ ოჰავე ნძალეფიშ ფურინჯეფი კინ გილაფჷრინუნდეს გამბიაშ ხურგიშ ელმოლს.
21 ღურთუთაშ სერით გამბიაშ პრეზიდენტი იაჰია ჯამექ სახენწჷფო ტელევიზიაშ ეთერით გაცხადჷ, ნამჷ-და გეგნოდირთჷ პრეზიდენტიშ პოსტიშე, უკული ქჷდიტუ ქიანა დო გეგნორთჷ გვინეაშ ნანანოღა კონაკრიშა, უკული გვინეაშე ეკვატორულ გვინეაშა.
This article uses material from the Wikipedia მარგალური (Margaluri) article ინტერვენცია გამბიას, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.