თუმა ვარდა თომა (ლათ. unguis) — ირდუ კანს, მუთმოფხვადჷნა უმენტაშო ძუძუშმაწუალეფს, აკმოდირთუ თარო კერატინშე დო წჷმარინუანს რსხულიშ მათხილარ სისტემაშ ნორთის.
ადამიერიშ რსხული, მორჩილი გჷმნარკეფიშ მოხ (ლეჩქვეფი, ხეშ გურეფი), ედომუშამო ფორილი რე თუმეფით. ძინათებულეფს უღჷნა ჟირი ტიპიშ თუმა ქიქილი-კუნტა, თხითხუ ვაპიგმენტირაფილი, თ.ჯ. მაართაფონი თუმა დო ტერმინალური თუმა, ნამუთ უმოსო ოჩირქოლაია, სქელი დო თარო პიგმენტირაფილი რე. ტერმინალური თუმაშ სამანგა რე თუმა წარეფს დო დუდს. ადამიერს დუდს 200 ვითოშ, ანაგის (რსხულს) — 20 ვითოში თუმაშ ღერი უღუ. თხითხუ დო ბუწკი თუმაშ ღერი – 100 გრამიან ორზოლს, ოსურიშ შიბილი (ნაბეჭა) 20 ტონიან სიმონკესთ ურზუ.[ოხვილუ წყუშ მეწურაფას] თუმა არძშე ბიჭორო ზარხულს ირდუ. თუმაშ სიგჷრძა წანმოწანას ოშქაშეთ 10–15 სანტიმეტრის იძინანს. მუჭოთ რაგადანან ჯღარი თუმა უმოს მალას ირდუ, ვინდარო კაჟია თუმა. ადამიერქ თუმა, ვეგიღაჭასჷნ, თელარაშ ბოლოშახ თიშ სიგჷრძა 725 კმ–ს მიანჭუ.
This article uses material from the Wikipedia მარგალური (Margaluri) article თუმა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.