დავიდ ემილ დიურკჰაიმი (ფრანგ.
15 პირელი, 1858, ეპინალი, საფრანგეთი — ღ. 15 გერგობათუთა, 1917, პარიზი, საფრანგეთი) — ფრანგი სოციოლოგი, შინელი რე მუჭოთ სოციოლოგიაშ აკადემიური დისციპლინაშ დუმარსხუაფალი. თის, თაშნეშე მიშინუანა მუჭოთ თეხანური სოციალური მენცარობეფიშ არქიტექტორს, მაქს ვებერი დო კარლ მარქსიწკჷმა ართო.
ემილ დიურკჰაიმი | |
ფრანგ. Émile Durkheim | |
დაბადებაშ თარიღი: | |
---|---|
დაბადებაშ აბანი: | ეპინალი, საფრანგეთი |
ღურაშ თარიღი: | გერგობათუთა 15, 1917 (59 წანერი) |
ღურაშ აბანი: | პარიზი, საფრანგეთი |
მენოღალობა: | |
ომენცარე სფერო: | |
სამუშაშ აბანი : | პარიზიშ უნივერსიტეტი |
ალმა-მატერი: | პარიზიშ უმაღალაში ნორმალური სკოლა |
დიურკჰაიმიშ რკვიებეფი ორხველუდჷ ჯარალუეფს დო თინეფიშ სოციალურ-ინტეგრაციულ როლს თეხანურ მოდერნისტულ ერას, სოდეთ ტრადიციული დო რელიგიური ურთიართობეფი შანულობას ოდინუანა დო სოციალური ინსტიტუტეფი უმოს დიდი გოლინას ეთმეჭოფუნა. დიურკჰაიმიშ სტატისტიკურ მოდელეფქ, ჯარალუეფიშ მენცარულ რკვიებეფქ, ისტორიულ ობზერვაციეფქ მიშეღჷ დიდი თია სოციოლოგიაშ მუჭოთ მენცარობაშ დორსხუაფაშა.
დიურკჰაიმიშ თარი სოციოლოგიური ნახანდი რე "ხანდაშ გორთუალა ჯარალუეფს", ნამუქჷთ 1893 წანას გიშართჷ დო ნამუთ რდჷ დიურკჰაიმიშ ოდოქტორე დისერტაციაშ თემა. უკულ, 1895 წანას თის მაჸუნუ შანულამი ნახანდიქ "სოციოლოგიური მეთოდიშ კანონეფი". ჸათე წანას დიურკჰაიმიქ დარსხუ სოციოლოგიაშ პირველი ევროპული დეპარტამენტი დო გინირთჷ ფრანგული სოციოლოგიაშ პირველ პროფესორო.
დიურკჰაიმიშ 1897 წანაშ მონოგრაფია "სუიციდი", ნამუთ სუიციდეფიშ შენთხოვეფიშ რკვიება რე კათოლიკურ დო პროტესტანტულ პოპულაციეფს, თეხანური სოციალური რკვიებეფიშ მაგალითიე დო ოინალჷ სოციალური მენცარობეფიშ ფსიქოლოგიაშე დო პოლიტიკური ფილოსოფიაშე გარჩიებას.
1898 წანას დიურკჰაიმიქ დარსხუ "L'Année sociologique" დო რდჷ თიში პირველი რედაქტორი.
1912 წანას გიშართჷ დიურკჰაიმიშ წინგიქ "რელიგიური რინაშ ელემენტარული ფორმეფი". წინგის წუმორინაფილიე რელიგიაშ თეორია, ეჭარილი რე დარებადი ანალიზი აბორიგენული დო თეხანური ჯარალუეფიშ კულტურეფიშ.
დიურკჰაიმიშ მენცარული რკვიებეფიშ თარი ღანკი რდჷ სოციოლოგიაშ, მუჭოთ ზოხორინელი მენცარობაშ დორსხუაფა. დიურკჰაიმიქ გაუჯგუშჷ პოზიტივიზმიშ თეორია, გაფართინუ ეპისტემოლოგიური რეალიზმი დო ხეშეუნწყუ ჰიპოთეთიკურ-დედუქციური მოდელიშ გიმორინაფას სოციალურ მენცარობას.
დიურკჰაიმი რდჷ პროპონენტი სტრუქტურული ფუნქციონალიზმიშ, ნამუთ მეთოდოლოგიური მერინა რე მუჭოთ სოციოლოგიას, თაშნეშე ანთროპოლოგიას.
დიურკჰაიმიშ მეჯინათ სოციალური მენცარობა ოკო რდას ჰოლისტიკური დო თიქ ოკო გიმირკვიას ჯარალუეფი დო ვართ ინდივიდუალური რჯებეფი.
This article uses material from the Wikipedia მარგალური (Margaluri) article ემილ დიურკჰაიმი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.