ანგლიკანიზმი — ქირსიანობაშ მასუმა მიარემუდანამი გემაჸვენჯობა (კათოლიციზმიშ დო მართლმადიდებელობაშ უკული), ნამუთ აკმაართიანენს 80 მილიოშახ მორწუმეს.
ანგლიკანიზმიქ გიჭყჷ ინგლისის, XVI ოშწანურას, მაფა ჰენრი VIII-შ პერიოდის. მაფა ჰენრი კათოლიციზმიშ მათხილარ პოზიციას აკმოჭოფუნდჷ დო ნებას ვარძენდჷ პროტესტანტიზმის ინგლისიშ დიხეფს გოფაჩელედკონ, მარა მუჟამსჷთ მაფას დო პაპს შქას ურთიართობაქ გიღინჭჷნ, მაფა ჰენრი VIII-ქ ინგლისიშ ოხვამე ზოხორინელო გჷმაცხადჷ. თაჸურეშე იჭყაფუ ანგლიკანიზმიშ გოჭყაფა. ანგლიკანურ ოხვამეს რსებენს სუმი ფსუა: მაღალი ოხვამე (ანგლო-კათოლიციზმი - რომიშ კათოლიციზმწკჷმა გოხოლუათ დო რიტუალიშ მიარემუდანობათ გიშეგორუაფუ), დაბალი ოხვამე (კინე ევანგელიკალური ფსუა, თინეფშო დჷმახასიათაფალი რე რიტუალური მინიმალიზმი) დო ოშქაშე ოხვამე (ნამუთ ხინჯიშ დო გამარიგეშ ფუნქციას არსულენს თე ჟირ ფსუაშ შქას). ანგლიკანარეფიშ სიმიარეთ გიშეგორუაფუ ინგლისი, უელსი, ააშ, კანადა, ავსტრალია, ირლანდია. ანგლიკანური ოხვამე დუდს „ართი წიმინდე კათოლიკე დო ომოჩიქულე ოხვამეშ“ მაკათურო მირჩქინანს.
This article uses material from the Wikipedia მარგალური (Margaluri) article ანგლიკანიზმი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.