ხამურაბი
ხამურაბი (დოხოლ.
ჯვ. წ. 1810 — ჯვ. წ. 1750) — ბაბილონეთიშ მაფა მაართა ბაბილონური დინასტიაშე, ჯვ. წ. 1792 - ჯვ. წ. 1750. ისტორიას ჩინებული მაართა კანონეფიშ ნაკორობაშ ავტორი.
ხამურაბიშ მაფობაშ მაართა წანეფს, ბაბილონი ლარსაშ მაფას რიმსუენს დო ასურეთიშ მაფა შამშიადად I-ს დთმოჸუნდუ. თეჯგურა ვითარაფასჷთ თიქ რთხილი დიპლომატიაშ ჭყოლოფუათ გაჭყჷ ობჟათე შქაწყარმალონაშ ნოღეფი ურუქი, ური დო ისინი.
შამშიადად I-აშ ღურაშ უკული, ხამურაბი აქტიურ გალენურ პოლიტიკას ოწიუდჷ — მარიშე გეგნაჸათუ ასურალი მაფა იასმახადადი დო თექ მუში კოჩი ზიმრილიმი ქჷდარინუ; მაფობაშ 30-ა წანას, ოორუე შქაწყარმალონაშა ილესქერუ, ეშნუნაშ ომაფე ქჷდიჸუნუ დო ელამს გიორჯგინუ. მუმალ წანას ლარსათ ქიმკირსხუ. ზიმრილიმიშჸურე ღალატის თაკილერ ხამურაბიქ მაფობაშ 32-ა წანას გემიშეჭკირჷ თიშ ომაფეშა დო მოჯალაგუ. მაჟირაშა მონწყილი დჷმასაჯებელი ექსპედიციაშ ბორჯის, მარი საბოლოოთ ქჷკირსხუ. მალას ხამურაბიქ ასურეთიშ ნანანოღა აშურით ქჷდიჸუნუ. ხამურაბიშ ბორჯის, ბაბილონიშ სახენწჷფოქ პოლიტიკურო დო ეკონომიკურო მიჭყანიერჷ, კულტურაქ ეჸონჷ. ხამურაბიშ პერიოდის ორხველჷ მიარე ადმინისტრაციული დო დიპლომატიური მეჭარ-მოჭარუეფიშ საბუთეფი, ოაკოგაფე მიკნაჭარეფი დო იურიდიული დოკუმენტეფი. ჩქინ ბორჯიშა მაჭირინუ ხამურაბიშ ჯოხოთ აკოდგჷმილი კანონეფიშ ნაკორობაქ, ნამუთ ჯვეში ბჟაეიოლიშ ოკანონმადვალე საქვარუაშ შანულამ ძეგლის წჷმარინუანს.
ჯეიმზ პრიტჩარდიშ წინგის ერკებული რე ხამურაბიშ 300-შახ კანონი, ნამუეფით ჯვეში ბაბილონს ქიმინჯენდჷ. თე კანონეფიშ მეჯინათ, თი ბორჯის უციო რდჷ ბურჯაფი ამაშონთაფალ უპატიოსანებაწკჷმა, ნამუსჷთ, მუჭოთ ჩქჷნ, კუჩხ აფუდჷ გოდგჷმილი თიმბორჯიან ოვაჭარე სისტემას. ართ-ართ კანონს ჭარჷ: „თუ დიხამაპალუ მოწამეეფიშ დო ჭარუაფონი აპიჯალაშ უმუშო ქიჸიდენს ვარდა ოჸიდეთ ქჷდიტენს ვარჩხილს ვარდა ორქოს, ჭკოლას ვარდა ჭკორ ოსურსჷნ, ხოჯის, შხურს ვარდა გირინს ვარდა ირნერ ნიფთის შხვა დიხაშმაპალუშ ქომოლსქუაშ ვარდა ჭკოლაშ ხეშე, თინწკჷმა თე დიხამაპალუ მახინჯი რე დო ღურათ ოკო დისაჯას.“
რესურსეფი ინტერნეტის
ლიტერატურა
- შარაშენიძე ჯ., ქორთული სხუნუეფიშ ენციკლოპედია, ტ. 11, ხს. 429, ქართი, 1987 წანა.
This article uses material from the Wikipedia მარგალური (Margaluri) article ხამურაბი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.