ფუნაფუტი

 

ფართობი — 2,79 კმ². ატოლი იკათუანს 30 მორჩილი კოკის. თინეფს შქას უდიდაში რე — ფონგაფალე (ინგლ. Fongafale), თიშ უკული სიდიდათ უდიდაში რე — ფუნაფალა.

ატოლიშ დინოხოლენი ლაგუნას ტე-ნამო ჯოხო, ნამუშ სიგჷნძა დოხოლაფირო 20 კმ. წჷმარინუანს დიხაშ ინწრო ღოზის დიდი ლაგუნა ტე-ნამოშ მუკი-მუკი სიგანათ 20-შე 400 მეტრიშახ.

2017 წანას ატოლიშ მახორობა აკმადგინანდჷ 6,320 ადამიერს, თენა არძაშე მიარემუდანამი ატოლი რე ქიანას. ატოლიშ ართ-ართ ოფუტეს (ვაიაკუს) იდვალუაფჷ თარობა. მინშა რაგადანა, ნამჷ-და ტუვალუშ ნანანოღა რე — ფონგაფალე ვარ-და ვაიაკუ, მარა ოფიციალურო ქიანაშ ნანანოღა რე ედომუშამი ატოლი ფუნაფუტი. ფონგაფალეშ, ფუნაფალაშ დო ამატუკუშ კოკეფს იროიანი მახორობა ჸუნს. გვალო ატოლს 9 დოხორინელი პუნქტი რე:

ფონგაფალე

ფონგაფალეშ თარი კოკი

• ფაკაიფუ 1007 ადამ.
• სენალა 589 ადამ.
• ალაპი 1024 ადამ.
• ვაიაკუ 516 ადამ.

ფონგაფალეშ შხვა კოკეფი

• ლოფეაგაი 399 ადამ.
• ტეონე 540 ადამ.
• ტეკავატოეტოე 343 ადამ.

ფუნაფალა

• ფუნაფალა 22 ადამ.

ამატუკუ

• ამატუკუ 52 ადამ.

გვალო 2017 წანაშ ეჭარუათ, თე 9 დოხორინელი პუნქტის მახორობაშ მუდანობა 6,320 ადამიერს აკმადგინანდჷ.

ფუნაფუტის რე აეროპორტი ეიოფურინალ-დაფურინალი საროტით, ოსუმარე (Vaiaku Langi Hotel), ადმინისტრაციული დგჷმილეფი, ტრადიციული სტილით — პალმაშ ფურცელეფით დო თეხანური — ცემენტით აკოგაფილი ოხორინალი ჸუდეეფი.

ატოლ ფუნაფუტის არძაშე შანულამი ოქინაფუ რე — ტუვალუშ ოხვამე. მაჟირა ოქინაფუ — ამერიკული ფურინჯიშ ნოსქილედეფი, ნამუქჷთ ფუნაფუტის მაჟირა მოსოფელიშ ლჷმაშ ბორჯის გჷთოლჷნ, მუჟამსჷთ ეიოფურინალ-დაფურინალი საროტი გჷმირინუაფუდჷ ააშ-იშ ოურდუმე-ოჰეერე ნძალეფიშით გილბერტიშ კოკეფიშ ოთხილარო (ასეშო კირიბატიშ კირიბატიშ ნორთი რე). ააშ პრეტენზიას აცხადენდჷ ფუნაფუტიშა 1970-იანი წანეფიშ დალიას მაჸალობაშ ხეკულუაშ ხემოჭარუაშახ.