ფრიდრიხ ავგუსტ კეკულე
ფრიდრიხ ავგუსტ კეკულე ფონ შტრადონიცი (გერმ.
7 ეკენია, 1829, დარმშტადტი, ჰესენიშ დიდი ოჰერცოგე — ღ. 13 კვირკვე, 1896, ბონი, გერმანიაშ იმპერია) — გერმანალი ქიმიკოსი, უმოსო მოღალენდჷ ორგანული ქიმიაშ დარგის. კეკულე, 1850-იან წანეფიშე ღურაშახ, რდჷ ევროპაშ ართ-ართი გიშარჩქინელი ქიმიკოსი, თეორიული ქიმიაშ დისციპლინას. რდჷ ქიმიური სტრუქტურაშ თეორიაშ დუმარსხუაფალი.
| ფრიდრიხ ავგუსტ კეკულე | |
| გერმ. Friedrich August Kekulé | |
 | |
| დაბადებაშ თარიღი: | |
|---|---|
| დაბადებაშ აბანი: | დარმშტადტი, ჰესენიშ დიდი ოჰერცოგე |
| ღურაშ თარიღი: | კვირკვე 13, 1896 (66 წანერი) |
| ღურაშ აბანი: | ბონი, გერმანიაშ იმპერია |
| მენოღალობა: | |
| ომენცარე სფერო: | |
| სამუშაშ აბანი : | ჰაიდელბერგიშ უნივერსიტეტი |
| ალმა-მატერი: | გისენიშ უნივერსიტეტი |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: | კოპლიშ მენდალი (1885) |
.svg){kind=small}
.svg){kind=small}
კეკულე რდჷ პირველი ქიმიკოსი ნამუქჷთ წჷმარინუ იდეა ჟანგბადიშ დო წურწუფაშ ჟირვალენტიანობაშ გეშა. 1857 წანას კეკულექ ელემენტეფი დორთუ ართ, ჟირ დო სუმფუძიანეფო. 1865 წანას, აკადგინჷ ბენზოლიშ მოლეკულაშ ციკლური ფორმულა.
ფრიდრიხ ავგუსტ კეკულე გურაფულენდჷ არქიტექტურას გისენიშ უნივერსიტეტის. პირველ კურსის რდუნ თეში, შინელი გერმანალი ქიმიკოსიშ იუსტუს ფონ ლიბიხიშ გოლინათ ქიმიათ დეინტერესჷ დო მალას ქიდიჭყჷ ქიმიაშ დოგურაფა. 1852 წანას მიპალუ დოქტორიშ ხარისხი ქიმიას.
1856 წანას კეკულექ გინირთჷ ჰაიდელბერგიშ უნივერსიტეტიშ პრივატ-დოცენტო. 1858 წანას მუშობა ქიდიჭყჷ გენტიშ უნივერსიტეტიშ ქიმიაშ პროფესორო. 1867 წანას კეკულექ ბონიშ უნივერსიტეტიშა გინილჷ, სოდეთ ღურაშახ მუშენდჷ.
კეკულე რდჷ ომენცარე ხემანჯღვერი შინელი ქიმიკოსეფიშ, ნობელიშ პრემიაშ ლაურეატეფიშ: იაკობ ჰენდრიკ ვანტ-ჰოფიშ, ემილ ფიშერიშ დო ადოლფ ბაიერიშ.
კეკულექ 1885 წანას მიპალუ პრესტიჟული ჯილდო კოპლიშ მენდალი. კეკულე რდჷ ლონდონიშ ომაფე ჯარალუაშ დო მენცარობეფიშ ერუანული აკადემიაშ მაკათური.
გიშნაგორა პუბლიკაციეფი
- (1859–1861) Lehrbuch der Organischen Chemie (de). Erlangen: Enke.
- (1862–1866) Lehrbuch der Organischen Chemie (de). Erlangen: Enke.
- (1867) Lehrbuch der Organischen Chemie (de). Erlangen: Enke.
- (1880) Lehrbuch der Organischen Chemie (de). Stuttgart: Enke.
- (1881) Lehrbuch der Organischen Chemie (de). Stuttgart: Enke.
- (1882) Lehrbuch der Organischen Chemie (de). Stuttgart: Enke.
- (1887) Lehrbuch der Organischen Chemie (de). Stuttgart: Enke.
რესურსეფი ინტერნეტის
- ფრიდრიხ ავგუსტ კეკულე ენციკლოპედია ბრიტანიკას
- ბიოგრაფიული ფაქტეფი
- კეკულეშ ფორმულა
This article uses material from the Wikipedia მარგალური (Margaluri) article ფრიდრიხ ავგუსტ კეკულე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.