ფილიპ ედუარდ ანტონ ფონ ლენარდი (გერმ.
7 მანგი, 1862, პრესბურგი, უნგრეთიშ ომაფე, ავსტრიაშ იმპერია (ასეიან ბრატისლავა, სლოვაკეთი) — ღ. 20 მესი, 1947, მესელჰაუზენი, გერმანია) — გერმანალი ფიზიკოსი. გიმირკვიუ კათოდური ჩხორიეფი დო თინეფიშ რჯებეფი. ჸათე რკვიებეფიშ გეშა მიპალუ ნობელიშ პრემია ფიზიკაშ დარგის 1905 წანას. ლენარდიშ შანულამ კონტრიბუციათ ითვალუ ფოტოეფექტიშ ექსპერიმენტული რეალიზაცია.
ფილიპ ლენარდი | |
გერმ. Philipp Lenard | |
ფილიპ ლენარდი 1900 წანას | |
დაბადებაშ თარიღი: | |
---|---|
დაბადებაშ აბანი: | პრესბურგი, უნგრეთიშ ომაფე, ავსტრიაშ იმპერია (ასეიან ბრატისლავა, სლოვაკეთი) |
ღურაშ თარიღი: | მესი 20, 1947 (84 წანერი) |
ღურაშ აბანი: | მესელჰაუზენი, გერმანია |
მენოღალობა: | |
ომენცარე სფერო: | |
სამუშაშ აბანი : | ბუდაპეშტიშ უნივერსიტეტი |
ალმა-მატერი: | |
ომენცარე ხემანჯღვერი: | რობერტ ბუნზენი |
ჯოხოშინელი მოგურაფეეფი: | ედვარდ ანდრადე |
ჯილდოეფი დო პრემიეფი: | მატეუჩიშ მენდალი (1896) |
ფილიპ ლენარდი რდჷ ნაციონალისტი დო ანტისემი, თაშნეშე ნაცისტური იდეოლოგიაშ აქტიური პროპონენტი. 1920-იან წანეფიშე ადოლფ ჰიტლერს ალურდჷ დო მასუმა რაიხიშ ბორჯის რდჷ გერმანული ფიზიკაშ ჸარაფიშ ართ-ართი შანულამი წჷმმარინაფალი დო არქიტექტორი. ლენარდი ალბერტ აინშტაინიშ კონტრიბუციას მენცარობაშო, უძახუდჷ ურიეფიშ ფიზიკას.
ფილიპ ლენარდიქ დებადჷ პრესბურგის (ასეიან ბრატისლავას). გურაფულენდჷ ფიზიკას დო ქიმიას ვენას დო ბუდაპეშტის. უკულ გურაფა გაგინძორჷ ჰაიდელბერგიშ უნივერსიტეტის, სოდეთ თიში ომენცარე ხემანჯღვერი რობერტ ბუნზენი რდჷ. ოდოქტორე დისერტაცია თხილუ 1886 წანას. გურაფაშ თებაშ უკულ, ლენარდი მუშენდჷ შხვადოშხვა ომენცარე ინსტრუმენტეფს: აახენიშ, ბრესლაუშ, ბონიშ, ჰაიდელბერგიშ, ბერლინიშ დო კილიშ უნივერსიტეტეფს.
ნობელიშ პრემიაშ გარდა ლენარდი რდჷ შხვადოშხვა პრემიეფიშ დო ჯილდოეფიშ ლაურეატი. 1896 წანას მიპალუ მატეუჩიშ მენდალი დო რუმფორდიშ მენდალი, 1932 წანას ფრანკლინიშ მენდალი. 1905 წანაშე რდჷ შვედეთიშ მენცარობეფიშ ომაფე აკადემიაშ დო 1907 წანაშე უნგრეთიშ მენცარობეფიშ აკადემიაშ მაკათური.
ფილიპ ლენარდიქ ღურუ 1947 წანაშ 20 მესის, 84 წანერქ.
This article uses material from the Wikipedia მარგალური (Margaluri) article ფილიპ ლენარდი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.