ჟან ბატისტ პერენი (ფრანგ.
30 ეკენია, 1870, ლილი, საფრანგეთი — ღ. 17 პირელი, 1942, ნიუ-იორკი, ააშ) — ფრანგი ფიზიკოსი. პერენიშ რკვიებეფს, ნამუეფით ორხველუდჷ ბროუნიშ ჸარაფის, უღუდჷ დიდი შანულობა აინშტაინიშ თეორიაშ ნტკიცებაშო. თაშნეშე, პერენიქ დანტკიცჷ მატერიაშ ატომური სტრუქტურა. ჸათე მენცარული რკვიებეფიშ გეშა, პერენიქ 1926 წანას მიპალუ ნობელიშ პრემია ფიზიკაშ დარგის.
ჟან ბატისტ პერენი | |
ფრანგ. Jean Baptiste Perrin | |
პერენი 1926 წანას | |
დაბადებაშ თარიღი: | |
---|---|
დაბადებაშ აბანი: | ლილი, საფრანგეთი |
ღურაშ თარიღი: | პირელი 17, 1942 (71 წანერი) |
ღურაშ აბანი: | |
მენოღალობა: | |
ომენცარე სფერო: | |
სამუშაშ აბანი : | პარიზიშ უმაღალაში ნორმალური სკოლა |
ალმა-მატერი: | პარიზიშ უმაღალაში ნორმალური სკოლა |
ჯოხოშინელი მოგურაფეეფი: | პიერ ვიქტორ ოჟე |
ჯილდოეფი დო პრემიეფი: | მატეუჩიშ მენდალი (1911) |
ხეშმოჭარუა: |
ჟან ბატისტ პერენი გურაფულენდჷ პარიზიშ უმაღალაშ ნორმალურ სკოლას. 1894–97 წანეფს გიმირკვიუ კათოდური დო რენტგენული ჩხორიეფი. 1897 წანას მიპალუ მენცარობაშ დოქტორიშ ხარისხი. თე წანას პერენიქ მუშობა ქიდიჭყჷ პარიზიშ უნივერსიტეტის, ფიზიკური ქიმიაშ ლექტორო. 1910 წანას გინირთჷ პროფესორო. ჸათე პოსტი უკინებუდჷ მაჟირა მოსოფელიშ ლჷმაშახ. საფრანგეთიშ ოკუპაციაშ უკულ, პერენიქ ოცხოვრებშა ამერიკაშა მიდართჷ, სოდეთ დოღურჷ 1942 წანაშ 17 პირელს, 71 წანერქ.
ნობელიშ პრემიაშ გარდა ჟან ბატისტ პერენი რდჷ შხვადოშხვა პრემიეფიშ დო ჯილდოეფიშ ლაურეატი.
This article uses material from the Wikipedia მარგალური (Margaluri) article ჟან ბატისტ პერენი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.