პოლ გრინგარდი
პოლ გრინგარდი (ინგლ.
11 ქირსეთუთა, 1925, ნიუ-იორკი, ააშ — ღ. 13 პირელი, 2019, ნიუ-იორკი, ააშ) — ამერიკალი ნეირობიოლოგი. გურაფულენდჷ ნეირონეფიშ მოლეკულურ დო თოლურ ფუნქციეფს, დოფამინიშ დო შხვა ნეირომედიატორეფიშ მუშობაშ მექანიზმეფს. ძირუ დო დიგურუ სიგნალიშ ტრანსდუქცია ნერვულ სისტემას. 2000 წანას, გრინგარდის, არვიდ კარლსონს დო ერიკ კანდელს გინოჩეს ნობელიშ პრემია ფიზიოლოგიაშ დო მედიცინაშ დარგის.
| პოლ გრინგარდი | |
| ინგლ. Paul Greengard | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: | პირელი 13, 2019 (93 წანერი) |
| ღურაშ აბანი: | ნიუ-იორკი, ააშ |
| მენოღალობა: | |
| ომენცარე სფერო: | ნეირობიოლოგია, მოლეკულური ბიოლოგია |
| სამუშაშ აბანი : | |
| ალმა-მატერი: | ჰამილტონიშ კოლეჯი |
| ჯილდოეფი დო პრემიეფი: | ნობელიშ პრემია ფიზიოლოგიას დო მედიცინას (2000) |
ბიოგრაფია
პოლ გრინგარდიქ დებადჷ 1925 წანაშ 11 ქირსეთუთას, ნიუ-იორკის. გურაფულენდჷ ჰამილტონიშ კოლეჯის, მათემატიკას დო ფიზიკას, მარა უკულ მიოტუ ფიზიკა დო დიჭყჷ ბიოლოგიაშ დო ბიოფიზიკაშ გურაფა. ჰამილტონიშ კოლეჯიშ უკულ, გურაფა გაგინძორჷ ჯონ ჰოპკინზიშ უნივერსიტეტის. გრინგარდიშ ინტერესეფიშ სფერო რდჷ ნეირონეფიშ მოლეკულური დო თოლური ფუნქციეფი. 1953 წანას თხილუ ოდოქტორე დისერტაცია დო ომუშებშა გინორთჷ ლონდონიშ დო კემბრიჯიშ უნივერსიტეტეფშა. გრინგარდი მუშენდჷ ალბერტ აინშტაინიშ ჯოხონობაშ სამედიცინო კოლეჯის დო ვანდერბილტიშ უნივერსიტეტის, უკულ გინორთჷ იელიშ უნივერსიტეტიშა, სოდეთ უკებუდჷ ფარმაკოლოგიაშ დეპარტამენტიშ პროფესორიშ პოზიცია. 1983 წანაშე გრინგარდი როკფელერიშ უნივერსიტეტიშ პროფესორი რე. გრინგარდი რდჷ ნობელიშ, დიკსონიშ, მენცარობაშ ერუანულ აკადემიაშ პრემიეფიშ ლაურეატი. ღურჷ 2019 წანაშ 13 პირელს, ნიუ-იორკის.
რესურსეფი ინტერნეტის
This article uses material from the Wikipedia მარგალური (Margaluri) article პოლ გრინგარდი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.