ობჟათე ჩინეთიშ ზუღა: ზუღა
ობჟათე ჩინეთიშ ზუღა — რჩქალი ოკიანეშ მახურგე ზუღა, ნამუთ ინორე სინგაპურიშ დო მალაკიშ საროტეფშე ტაივანიშ საროტშახ, ფართობი აკმადგინანს 3 500 000 კმ²-ს.
მაქსიმალური სიტომბა — 5560 მ, ოშქაშე სიტომბა - 1024 მ, წყარიშ ჟინპიჯიშ ტემპერატურა ფურთუთას — 20 °С-შე ოორუეს — 27 °С-შახ ობჟათეს, მარაშინათუთას 28-29 °С ნთელ ფართობის. წყარიშ ჯიმუამობა — 32-34 ‰. ზარხულს დო დამორჩილს შხირასიე ტაიფუნეფი.
ობჟათე ჩინეთიშ ზუღაშ უდიდაში საროტეფიე — ბაკბო (ტონკა) დო სიამი.
უდიდაში კოკი — ხაინანი.
ობჟათე ჩინეთიშ ზუღაშა დინმახჷრჩინე თარი წყარმალუეფიე - პერლი, მინი, ჯიულონგი, ჭითა, მეკონგი, რაჯანგი, პაჰანგი, პამპანგა დო პასინგი.
ზუღა დიდარიე ბიოლოგიური რესურსეფით. ორეწუე ჩხომეფი — თინუსი, ქაშაყი, სარდინეფი დო შხვა.
ზუღაშ ორენი
ზუღა ინორე:
- კონტინენტური ჩინეთიშ დო კოკი ტაივანიშ ობჟათეშე.
- ფილიპინეფიშ ბჟადალშე.
- მალაიზიაშ დო ბრუნეიშ ობჟათე-ბჟადალშე.
- ინდონეზიაშ ოორუეშე.
- მალაკიშ ჩქონიშ ოორუე-ბჟაეიოლშე.
- ვიეტნამიშ ბჟაეიოლშე.
ზუღას იდვალუაფუ ვითოშობათ ჭიჭე კოკი, ნამუთ არქიპელაგეფო აკმიკათუნა. შხირას, თე კოკეფიშ გეშა, ნანდული რკინა მეურს შხვადოშხვა ქიანეფს შქას, თე კოკეფშა მუნეფიშ სუვერენიტეტიშ გაფაჩალო.
ზუღაშ თარი პორტეფი
რესურსეფი ინტერნეტის
This article uses material from the Wikipedia მარგალური (Margaluri) article ობჟათე ჩინეთიშ ზუღა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.