რიბენტროპ-მოლოტოვიშ პაქტი — 1939 წანაშ 23 მარაშინათუთას მოსკოვს მასუმა რაიხიშ დო სსრრ-შ შქას დოდვალირი უგუნთხაფალაშ პაქტი, ნამჷსჷთ გერმანიაშ განშე ხე მაჭარჷ გალენურ საქვარეფიშ მინისტრიქ იოახიმ ფონ რიბენტროპიქ, სსრრ-შ განშე სხუნუეფიშ გალენურ საქვარეფიშ მინისტრიქ ვიაჩესლავ მოლოტოვქ.
თე პაქტის ხოლო რდჷ ჩიება ცენტრალური ევროპაშ ართიანშქას გორთუალაშ გეშა. თე პაქტიქ აკორცჷ 1941 წანას გერმანიაშ განშე, მუჟამსჷთ თიქ ქეგიანთხჷ სხუნუეფიშ რსხუსჷნ.
ხეკულუაშ მეჯინათ, სხუნუეფიშ რსხუს დო ნაცისტური გერმანიას დუდი ოკო აუღალჷდესკო-ოკო ართიანიშ გენთხაფაშენ, თინეფს ხოლო აუღალჷდესკო-ოკო დუდი ართიანიშ აწმარენჯი ოლჷმარ საქვარუეფს კათინშენ თიმწკჷმათ მუჟამსჷთ, თენეფშე ნამდგაიჸინს მასუმა სახენწჷფო ქიგიანთხუდჷ-და. პაქტიშ მაკათურეფი ხოლო ვარიას იჩიებჷდეს თი ალიანსის კათაფაშენ, ნამუთ გოკოდა ორცათ თე ნამდგაიჸინი სახენწჷფოშ აწმარენჯო ქიჸიდჷ მეწურაფილ-და. 1948 წანას, ხეკულუაქ ხემიოჭირინუქ იჸუ, მუჭოთ ფოტოსურათეფქ. 2009 წანას, ევროპაშ პარლამენტქ 23 მარაშინათუთას, მოლოტოვ-რიბენტროპიშ პაქტიშ გოფორმაფაშ დღა, გჷმაცხადჷ სტალინიზმიშ დო ნაციზმიშ ნაკიბირალეფიშ შინაშ დღათ.
მოლოტოვ-რიბენტროპიშ პაქტის რინელი ფულირი ბირგულეფიშ მეჯინათ, ნაცისტურ გერმანიაქ დო სხუნუეფიშ რსხუქ მირაგადეს ტერიტორიეფიშ გეშა, ნამუეფჷთ მიშმეშეს თითოკაშ ინტერესეფიშ სფეროშა. პაქტიშ მეჯინათ, ჟირი სახენწჷფოშ ინტერესეფიშ სფეროეფიშ ხურგიქ იჸუ ლიეტუვაშ ოორუე სანძღოქ. დო ლიეტუვას მიაჩამუდჷ ვილნიუსი, ნამჷთ თიმწკჷმა პოლონეთიშ აკოდგინალუაშა მიშმეშჷ, დო ხეკულუაშ მეჯინათ სსრრ-შ გაულაშ თუდო იჸიდჷ ბესარაბია.
This article uses material from the Wikipedia მარგალური (Margaluri) article მოლოტოვ-რიბენტროპიშ პაქტი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.