კელტეფი

Celtae, ბრეტ. Kelted, უელ. Y Celtiaid, ირლ. Na Ceiltigh, გელურ. Ceilteach, მენ. NY Celtiee, კორნ. Kelt) — მოჯგირეეფ ნინათ დო მატერიალური კულტურათ ინდოევროპული მუმალობაშ ტომეფი, ანტიკურ ჟამს უკინებუდეს ძალამი ფირჩა ტერიტორია ბჟადალ დო ცენტრალურ ევროპას.

კელტეფი ევროპას ართ–ართი არძაშე უშქურანჯი კათა რდჷ. ტერიშ ოშქურნაფალო ლჷმაშჟამს კელტეფი დუმაჸუნგებელო ღვარანდეს დო თაშნეშიშე გოფაჩილი რდჷ სალიმური ბუკიშ მეგამათ – კარნიკსეფი, ნამუშ პიჯეფით ჩხოლარეფიშ დუდეფიშ სახეთ რდჷ კეთებული.

ბერძენი ისტორიკოსი დიოდორე სიცილიარი ჭარჷნდჷ, ნამუდა, ტერიშ ჸვილუაჟამს, კელტი მალიმარეფი „თინეფს დუდეფს კვათჷნდეს დო უკული მუშ ცხენეფიშ კჷსერს გინაბუნუანდეს, დო ჸუდეშა მოღალაწკჷმა, მინალწკჷმა გიობუნუანდეს. თინეფი ჩუანდეს დომარცხაფილი ტერეფიშ მოკვათილ დუდეფს კენდარიშ ზეთის. დო ნამთინე დუს იცქვანდეს, დო იჩიებუდეს ნამუდა თენ წონაშ ორქოშა ხოლო ვა თირანდეს თინეფიშ დუდეფს...“ საქვარი თისიე, ნამუდა კელტეფშო დუდეფი – ორინალი შურიე. ტერშო დუდიშ კვათუა შანენდჷ, ნამუდა თიში შური გჷმორთილიე თიში ასაგასაშე დო თის ვა გჷშაკურცხინე. შილებე, ტერეფიშ მოკვათილი დუდეფი აკმადგინანდეს ვართ ხვალე გომორძგვილიშ შანულამ ტროფეას, მარა კულტიშ ნორთისით. გონთხორუეფიჟამს როკეპერტუზის (საფრანგეთი) ძირაფილქ იჸუ დაბალი პორტიკი ნიშეფით, ნამუეფით რდეს ადამიერეფიშ დუდიშ ხოკოეფი.

• Ancient Celtic music - in the Citizendium
• Essays on Celtiberian topics - in e-Keltoi, University of Wisconsin, Madison
• Map of Celtic lands Archived 2021-02-25 ვებ-ხასჷლას Wayback Machine.
• Discussion - with academician Barry Cunliffe, on BBC Radio 4's In Our Time, February 21, 2002. (Streaming Realplayer format)
• http://www.independent.co.uk/news/uk/this-britain/celts-descended-from-spanish-fishermen-study-finds-416727.html

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.