კანჩენჯანგა
კანჩენჯანგა — გვალაშ მასივი ბჟაეიოლ ჰიმალაიშ ობჟათე კართეს, ნეპალიშ დო ინდოეთიშ ხურგას.
მასივიშ თარი კონკაშ სიმაღალა რე 8586 მ. კანჩენჯანგა დიხაუჩაშ სიდიდათ მასუმა კონკა რე. აკოგაფილი რე გნაისეფით, გრანიტეფით დო კრისტალური ფიქალეფით. დჷმახასიათაფალი რე წვანდამი კონკეფი დო გერთელი კართეფი. რე კონწარი გოჸინუაფა. თიში გრანდიოზული მასივი 17 კილომეტრის რე გჷნოზინდილი, თაჸურეშე ამშვკილომეტრიანი ღოზი 8000 მეტრაშ სიმაღალას რე ეპონილი. 1852 წანაშახ მოსოფელიშ უმაღალაშ კონკათ იკოროცხუდჷ. კანჩენჯანგას მაართა ექსპედიციაქ 1899 წანას მანწყუ ინგლისარ დაგლას ფრეშფილდიქ. მაართათ ეშართეს ბრიტანალ ჯო ბრაუნქ დო ჯორჯ ბენდიქ, 1955 წანაშ 25 მესის. კანჩენჯანგაშა ეშულეფიშ ისტორიას არძაშე რთული რდჷ რუსეფიშით 1989 წანას მონწყილი ექსპედიცია, ნამუქჷთ თიში ოთხოლო ბრუოვითოშიანი პიკიშ ტრავერსი გახორციელ. ჯოხოდვალა „კანჩენჯანგა“ შანენს „დიდი თირიშ ხუთ საგანძურს“, თიშ გეშა ნამჷ-და გვალაშ მასივი ხუთი კონკაშე აკმოდირთუ.
| კანჩენჯანგა | ||
|---|---|---|
 კანჩენჯანგა | ||
| კოორდინატეფი: / | ||
| ორენი |  ნეპალი ინდოეთი | |
| სიმაღალა | 8586 მ | |
| ქჷნდჷრი | ჰიმალაი | |
| მაართა ეშულა | 1955 წანაშ 25 მესი | |
|
 | ||
|
| ||
თაშნეშე ქოძირით
რესურსეფი ინტერნეტის
- კანჩენჯანგა (ინგლისური) — სტატია ენციკლოპედია ბრიტანიკაშე
სქოლიო
This article uses material from the Wikipedia მარგალური (Margaluri) article კანჩენჯანგა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.