ანდრეას ვეზალი
ანდრეას ვეზალი (ლათ.
31 ქირსეთუთა, 1514, ბრიუსელი, ჰაბსბურგეფიშ ნიდერლანდეფი (ასეიან ბელგია) — ღ. 15 გერგობათუთა, 1564, ზაკინფი, იონიაშ კოკეფი, საბერძნეთი) — ბელგიარი ექიმი დო ანატომი, ანატომიაშ მენცარობაშ ართ-ართი დუმარსხუაფალი, იმპერატორ კარლ V-შ ექიმი. გურაფულენდჷ ლიუვენიშ უნივერსიტეტის დო პარიზიშ უნივერსიტეტის. გურაფაშ თებაშ უკულ მუშენდჷ შხვადოშხვა ომენცარე ინსტიტუტეფს. რდჷ პადუაშ, ბოლონიაშ დო პიზაშ უნივერსიტეტეფიშ პროფესორი. ვეზალიქ 1543 წანას გჷმაბჟინუ მონუმენტური მენცარული ნახანდი - De Humani Corporis Fabrica Libri Septem. წინგი გერსხილი რე ვეზალიშ პადუაშ უნივერსიტეტიშ ლექციეფს. წინგის ვეზალი ეთმოჭარუნს ადამიერიშ ორგანიზმის, ძვალეფიშ სისტემას, ორგანოეფს, ვენეფს, არტერიეფს, ნერვულ სისტემას, გურს, ტვინს დო შხვა. წიგნის რე გიმორინაფილი ადამიერიშ ორგანიზმიშ ილუსტრაციეფი. ანდრეას ვეზალიქ აკეთჷ წოხოლენი მენცარეფიშ (უმოსო ბერძენი ექიმიშ დო ქირურგიშ გალენოსიშ) ნახანდეფიშ კორექცია დო დიდი თია მიშეღჷ ანატომიაშ, მუჭოთ მენცარობაშ, გოვითარაფაშა. 1564 წანას ვეზალიქ ოხვამუშა იერუსალიმიშა მიდართჷ. ვეზალიქ ღურუ საბერძნეთიშ კოკი ზაკინფის.
| ანდრეას ვეზალი | |
| Andreas Vesalius | |
.jpg) ანდრეას ვეზალიშ პორტრეტი | |
| დაბადებაშ თარიღი: | |
|---|---|
| დაბადებაშ აბანი: | ბრიუსელი, ჰაბსბურგეფიშ ნიდერლანდეფი (ასეიან ბელგია) |
| ღურაშ თარიღი: | გჷმათუთა 15, 1564 (49 წანერი) |
| ღურაშ აბანი: | ზაკინფი, იონიაშ კოკეფი, საბერძნეთი |
| მენოღალობა: | ჰაბსბურგეფიშ ნიდერლანდეფი |
| ომენცარე სფერო: | |
| სამუშაშ აბანი : | პადუაშ უნივერსიტეტი |
| ალმა-მატერი: | ლიუვენიშ უნივერსიტეტი |
| ომენცარე ხემანჯღვერი: | ჟაკ დიუბუა |
| ჯოხოშინელი მოგურაფეეფი: | ჯონ კაიუსი |
რესურსეფი ინტერნეტის
- Andreae Vesalii Bruxellensis, Dе humani corporis fabrica libri septem, Basileae 1543
- Bibliography van Andreas Vesalius
- Vesalius's « Anatomies » Introduction by Jacqueline Vons
- Places and memories related to Andreas Vesalius
- TV report on 500th birthday Vesalius by tvbrussel
 | ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article ანდრეას ვეზალი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.