東非大裂谷(Great Rift Valley),勒非洲東部,是一個勒3500萬年前頭由非洲板塊個地殼運動形成個地理奇觀,縱貫東非個大裂谷是世界浪頂頂大個斷裂帶,屬於生長邊界。俚形成個生態、地理搭人類文化儕相當獨特,目前觀光個主要景點從肯尼亞進去。2011年成爲聯合國教科文組織個世界遺產。
一般會得拿大裂谷區分成功東部搭西部,勒西部裂谷,也叫艾伯丁裂谷,主要由高山群組成,包括有Virunga山,Mitumba山,Ruwenzori山區搭Rift Valley湖區,其中有世界頂深淡水湖之一個坦噶尼喀湖(1470米深),搭仔世界浪第二大個淡水湖——維多利亞湖。西部裂谷個形狀是比較破碎個。
勒肯尼亞個東部裂谷部分,是整個東非大裂谷區比較深個部份,其中頂頂深個場化勒肯尼亞個內羅畢北部,該個一部份個裂谷區嘸不出海,所以造成功個湖泊比較淺、含個礦物搭鹽份也比較高。譬方馬加迪湖幾乎儕是碳酸鈉組成。埃爾門泰塔湖(Lake Elmenteita)、巴林哥湖、柏哥利亞湖搭納庫魯湖(Lake Nakuru)鹼性相當高。奈瓦夏湖則是小規模個淡水湖。
This article uses material from the Wikipedia 吴语 article 東非大裂谷, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另外声明,内容用CC BY-SA 4.0授权。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 吴语 (DUHOCTRUNGQUOC.VN) is an independent company and has no affiliation with Wiki Foundation.