Sint Måcrawe Albergati
Sint Måcrawe Albergati (e-n årmenyin Մակար = Magar, do grek Μακάριος = Makarios, ki vout dire «awureus»), c' est on sint fiesti el Walonreye, li 9 di may.
Il a morou a Gant li 10 d' avri 1012.
Vicåreye
Il a stî patriyåtche d’ Antiyoke. Il a leyî evoye li tcheyire et s’ aler fé ermite dilé Djeruzalem.
Adonpwis, i vna a Tournai et s’ mete etur li prince Bådwin l’ Bårbou et les djins, po-z espaitchî on bardouxha.
Il ploréve toltins po ses petchîs et fé bråmint des miråkes.
I s’ fijha moenne å moustî Sint-Bavon a Gant.
Sint Måcrawe et l’ foclore walon
Dinltins, al fiesse del grande Notru-Dame, a Djudla Mouze (Lidje) gn aveut ene porcession por lu. On maxhuréve èn efant avou del souye (la k’ les Årmenyins ont ene pus morete pea) et l’ poirter el plaece d’ ene posteure, shuvou pa ene hierdulêye di roufions ki poirtèt des lantienes.
I tchantént : «Vive sint Måcrawe, grosse tiesse di bwès ; li ci ki n’ a nole tiesse n’ a nén mezåjhe di tchveas (dj’vès).»
Sourdant
This article uses material from the Wikipedia Walon article Sint Måcrawe Albergati, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.