Li Maladeye ås crexhioûles froumadjreces u linfadeneye froumadjrece u clawite froumadjrece u maladeye ås froeds clås prindåves ås bedots c' est ene maladeye des berbis la k' elzî aspite toplin di ptits clås, ki rshonnèt a des crexhioûless.
Elle est cåzêye pa ene bactereye lomêye Corynebacterium pseudotuberculosis u Corynebacterium ovis.
Li maladeye est corante si les berbis paxhèt dins des payis avou bråmint des spenes. Mins co pus sovint, li må est spårdou so tot l' coir på tondaedje. Les foixhes trawnut èn abcès, et ristitchèt l' microbe tot la k' i dgretnut l' pea.
Les clås polèt aspiter so tot l' coir, les plaeces avou del linne et les cene sins.
Si on trawe les clås, i gnè rexhe ene matire come do froumadje.
Li microbe pout voyaedjî dins l' sonk, et s' edjîstrer dins èn organe divintrin come li peumon.
Les clås dvintrins ni cåznut ki rålmint des sintomes.
Å cweraedje des tchås a l' abatwer, i s' prezintnut come des masses di matire froumadjrece, avou des cekes ådvins. Djondant, gn a des efouwés texhous.
This article uses material from the Wikipedia Walon article Maladeye ås crexhioûles froumadjreces, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.