Bådwin I D' Beldjike

I skepia li 7 di setimbe 1930 et mora li 31 di djulete 1993.

I monta sol trône tot djonne, li 16 di djulete 1951 cwand s' pa, Yopôl III fourit oblidjî d' abdiker po dfiner l' "Afwaire rweyåle".

I fourit shuvou sol trone del Beldjike, di s' fré, Albert II.

Li djoû di s' prustaedje di siermint, Julien Lahaut et les ôtes pårlumintîs comunisses moennît herleme tot boerlant "Vive li Republike". I fourit assaziné sacwants djoûs pus tård.

Li 30 di djun 1960, ås fiesses do dislaxhaedje do Congo bedje, dins s' cåzaedje, i vanta timpesse l' ovraedje des Bedjes dins leu colneye. Patrice Lumumba responda avou on spitch foirt hagnant. Lumumba fourit touwé pa des policîs sicrets bedjes, avou l' aidance des Amerikins, sacwants moes pus tård.

Li 4 d' avri 1990, li Rwè Bådwin abdica on djoû, po n' nén dveur siner ene lwè so l' avortumint ki dzôrnéve si fwè catolike.

Come pasmint d' tins, il aléve al tchesse å Bork, come ses tåyes Yopôl prumî et Yopôl II, mins lu, i dmoréve avou les trakeus.

• Powinme ki rmimbere li criyaedje di "Vive li Republike" li djoû di s' montaedje sol trône (da Laurent Hendschel) (so l' Aberteke)