De Var es 'n riviere in't zuudôostn van Vrankryk in de regio Provence-Alpes-Côte d'Azur.
De Var èit eur bronne in Estenc, e gehucht van de gemêente Entraunes, ip 'n ôogte van 1790 mèiters by de col de la Cayolle. Achter 113,8 kilomèiters moundt ze uut in de Middellandsche Zêe tusschn de plekkn Nice en Saint-Laurent-du-Var. Vôorn da't groafschap Nizza in 1860 by Vrankryk wierd gesmeetn, vormdigde de Var ier de zuudôostelyke schreeve van Vrankryk. By die ansluutienge ester e nieuw departement gemakt zynde Alpes-Maritimes, woaby ze ôok e gedêelte van't ol bestoande departement Var en gesmeetn ('t groundgebied van't uudige arroundissement Grasse). Dordeure lôopt de riviere de Var nie mêe deur 't departement da eur noame droagt, mor bikkans hillegansn deur Alpes-Maritimes, mè uutzounderienge van e klêen stikske da in Alpes-de-Haute-Provence ligt by Entrevaux.
De belangrykste zyrivier'n van de Var zyn de Cians (25 km), de Tinée (75 km) en de Vésubie (48 km) ip eur linkerkant en d'Esteron (64 km) ip de rechterkant. Klêendere zyrivierkes zyn ounder and're de Tuébi (by 't dorpke Guillaumes), de Coulomp (by de brugge van Gueydan), de Chalvagne (by Entrevaux) en de Roudoule (by Puget-Théniers).
Ofbeeldiengn die ier by passn ku je vien in de categorie Var River van Wiki Commons. |
This article uses material from the Wikipedia West-Vlams article Var (riviere), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.