Ne sterrnhoop (in 't Iengels ook wel cluster genoemd) es e verzoamelienge van en poar tot vele duuzenden sterrn die deur hundern ounderliengn zwoartekracht t'hope bluuvn.
Sterrnhoopn keun j'an 'n hemel ziene lik nen nevel of lik e wolksje. G'hèit twee soortn van sterrnhoopn:
Nen oopn sterrnhoop es nen kleen hoop van sterrn, meestol en poar tiental, die volgens astronomische normn styf dichte by mekoar stoan. De sterrn zyn deurnband toamelik jounk.
Bolvormige sterrnhoopn zittn heel anders in mekkoar. Ze zyn zynder meestol byzounder oud - d'r zyn nie veel hemellichoamn in 't heelal dien ouder zyn - en z'hèin veel meer sterrn dan oopn sterrnhoopn. Zo keunn d'r in nen bolhoop gemakkelik tienduusd sterrn zittn. Typisch vo bolhoopn es ook da je z'ollene moa kut vindn in de halo van sterrestelsels.
'n Meestn gekendn sterrnhoop zyn de Pleioadn of et Zeevngesternte in et sterrebeeld van de Stier. Dat es nen oopn sterrnhoop woavan da je de zeevn kloarste sterrn ofzounderlik mèi joun bloot oge kut ziene.
Ofbeeldiengn die ier by passn ku je vien in de categorie Star cluster van Wiki Commons. |
This article uses material from the Wikipedia West-Vlams article Sterrnhoop, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.