Reegnworms (Lumbricidae), lokoal ook tettienks, teirienks of wurms genoemd, zyn e familie van de ryngelworms (Annelida).
Reegnworms | |||||||||
---|---|---|---|---|---|---|---|---|---|
Geweune reegnworm (Lumbricus terrestris) | |||||||||
Taxonomische indêlienge | |||||||||
| |||||||||
Familie | |||||||||
Lumbricidae Rafinesque-Schmaltz, 1815 |
Ze komn voorn over heel de weireld, uytgezoenderd in streekn met e styf droog klimoat en ip Antarctica. Weireldwyd zyn der oengeveer 670 soortn bekend.
Deur 't groavn van tunnèls en 't ofbreekn van plantoardig materioal hèn reegnworms e grootn invloed ip de bodemstructeure. By 't triln van de bodem en by reegnachtig were kruypen z' uyt de groend. Ze zyn surtout actief by nachte. 't Zyn ofvaleters die leevn van dood orgoanisch plantoardig materioal. In de wynter kruypn ze dieper in de groend en goan z' in e soorte van wyntersloap of diapauze.
Reegnworms hèn e lankwerpig, typisch wormachtig lyf zoender pootn. Hunder lyf kan bestoan uyt meer of hoenderd segmentn. Van voorn, achter oengeveer 't dertigste segment, zit by vulgroeide reegnworms e verdikkynge, 't clitellum of zoadel genoemd. Reegnworms hèn e redelyk groot herstellyngsvermeugn of regeneroasje, 't verschynsel woardeure dan ze deeln van hunder lyf kunn vervangn die verloorn gegoan zyn.
|
|
This article uses material from the Wikipedia West-Vlams article Reegnworms, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.