De Liudolfiengers of et Saksisch Huus, en achter de krônienge van de drie keizers Otto I, Otto II en Otto III ook et Ottoons Huus genoemd, woarn e Saksisch oadellyk geslacht en e Duutsche keuniengsdynastie, die van 919 tout 1024 regeerde over et Hillig Rooms Ryk.
Ze wierdn ipgevolgd deur et Salisch Huus.
De stamvoader was de Sakser, groaf Liudolf (†866), grotvoader van Hendrik de Veugeloare.
Achter da de Karoliengers uutgestorvn woarn in Oost-Francië, was Konrad I de verkoozn ipvolger van Lodewyk et Kiend. Je was den ênigste keunienk van et Frankisch Huus van de Konradyners.
Konrad I gaft den anzet tout et vormn van e grôot Duuts Ryk, deur Hendrik de Veugeloare an te duudn als zyn ipvolger. In 919 wierd Hendrik I verkoozn tout keunienk van Oost-Francië (Duutsland).
Tusschn 924 en 962 wierd er, achter et uutstervn van de Karoliengers, gin keizer mè gekrôond. Otto I, zeune van Hendrik de Veugeloare, kost et Hillig Rôoms Ryk herstelln, deurdat ie in 962 gekrôond wierd tout keizer. ’t Ottoons Huus wordt doadeure anzien als d’êeste dynasty die de Karoliengers en Karel de Grôotn, de stichter van et Hillig Rooms Ryk, ipvolgdn.
Kykt ook no de Lyste van Rooms-Duutsche keuniengn en keizers van et Hillig Rooms Ryk.
Ofbeeldiengn die ier by passn ku je vien in de categorie Ottonian Dynasty van Wiki Commons. |
This article uses material from the Wikipedia West-Vlams article Liudolfiengers, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.