Jef Claerhout (Tielt, 29 oktober 1937 - Oelem, 10 ogustus 2022) was e West-Vlamsche beeldhouwer.
Je weunde latst in Oelem.
Je makte figuratieve beeldn in metoal en je gebruukte doaby verschillige las-en vervormiengstechniekn. Metoalbewerkienge zat by Jef Claerhout in de familie.
Zyn inspiroasje kwaam van de fantastische histories die zyn grotvoader hem verteldege ost 'n klêne was. Je verwerkte mythologie, folklore, humor en ironie in fabelachtige figeurn, gedrochtn en bêestn, veugels en peirdn. J'hèt ook e dêel mêer realistische beeldn gemakt.
Verschillige van zyn werkn stoan ip publieke plekkn in steedn lik Brugge, Kortryk, Tielt, Knokke, Damme, Roeseloare, Leuvn, Brussel en nog vele mêer.
Via e speciaal uutgestippelde vèloroute in 't Brugs Ommeland zyn der vele van zyn kunstwerkn te bekykn. Een êeste lusse lopt in 't nôordn en start an 't Schepenhuys in Oelem en verbiendt Beirnem mè Brugge, Lissewege, Damme, Sysêle en Male. De zuudroute start an de dienst tourisme van Tielt en lopt langst Wyngne, Zwevezêle, Ruuslee, Koanegem en were noa Tielt.
E dêel van zyn kunstwerkn zyn:
't Beeld Marieke verwyst noa 't chanson van Jacques Brel met de zelfste noame. In 1988 liet de burgemêester van Brugge Frank Van Acker 't beeld zettn ip angeevn van journalist en Brelkenner Johan Anthierens. Ip de dertigste verjoardag van de dôod van Brel (9 oktober 2008) ist er e muzikale hulde gewist an 't beeld van Marieke an de Coupeure in Brugge.
Ofbeeldiengn die ier by passn ku je vien in de categorie Jef Claerhout van Wiki Commons. |
This article uses material from the Wikipedia West-Vlams article Jef Claerhout, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.