De gotiek of gotische kunste wos de belangrykste kunststromienge in West-Europa tusschn de 13e en 16e eeuwe.
De indrukwekkende gotische kathedroaln woarn et ogtepunt van de middeleeuwsche bouwkunde.
De gotiek es ountstoan uut den romoanschn styl. Deur toepassienge en geleidelike ountwikkelienge van en poar typische bouwkenmerkn woarn de middeleeuwsche bouwers in stoat vo kerkn en kathedroaln te bouwn die veel ogger en veel kloarder woarn dan da by romoansche gebouwn meugelik wos.
Die gotische kenmerkn lietn den bouw van styf oge gebouwn toe die toch licht en slank overkommn. De verticoale lyne es dominant, bouwelementn doen et geheel na boovn neign, dichter by God. Deur de enorm grote gotische veinsters stroomn de zunnestroaln vulup na binn. Gotische kerkn en kathedroaln zien der doarom styf kloar en luchtig uut van binn.
Vanof de 16e eeuwe woaide de renaissance noa uze streekn over en toun verviengn renaissancegebouwn de gotische gebouwn.
Vroeggotiek | Hoogn gotiek | Loatgotiek | |
---|---|---|---|
Vrankryk | 1140-1200 | 1250-1350 13E Klassiekn gotiek, 14E Rayonnantn gotiek | ca. 1350-ca. 1520 Flamboyante gotiek |
Iengeland | 1170-1250 Early English | 1250-1350 Decorated | 1350-ca. 1550 Perpendicular, Flamboyant |
Duutsland | 1220-1250 | 1250-1350 | 1350-ca. 1520/30 |
Itoalië |
In Itoalië et de gotiek nie zo lange gedeurd. Da komt omdat in et begun van de vichtiende eeuwe de renaissance doar es ountstoane.
This article uses material from the Wikipedia West-Vlams article Gotiek, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.