Šäuläi

Šäuläi
Šiauliai
Lidnanznam;	Flag;
Valdkund	Litvanma
Eläjiden lugu (2018)	100,618 ristitud
Pind	81,13 km²
Pämez'	Arturas Visockas; (sulaku 2015—)
Telefonkod	+370−41
Aigvö	tal'vel UTC+2,; kezal UTC+3

vot — Шавли (Šavli), edel 1795 — Сауле (Saule)) om lidn Litvanman pohjoižes. Se om valdkundan nellänz' surtte lidn eläjiden lugun mödhe.

Istorii

Eländpunkt mainitase ezmäižen kerdan Livonijan rifmuidud aigkirjas vl 1236 kuti žilo toranno, konz sijaližed vägestiba mekankandajiden ricariden ordenad. Saule sai lidnan statusad vl 1713.

Vll 1795−1918 lidn mülüi Venälaižhe imperijha, oli nahkan ümbriradmižen keskuseks. Ezmäižen mail'man sodan aigan vn 1915 keväz'kus Germanijan imperijan sodaväged mureniba lidnan sauvusiden kaks' koumandest. Toižen mail'man sodan aigan vn 1944 elokus pertiden nell' videndest oli pandud mantazole. Nevondkundaližen aigan (1944−1991) lidn šingotihe elektronikan keskuseks, mecan i sauvomižen edheotandoil, velosipedantegimel, järedal sodail'mbazal.

Vspäi 1996 joudjaline ekonomine zon mülütab metallan, plastikan, tekstilin i elektronikan edheotandoid. Lidn šingotase turizmal mugažo i radvägen eksportal Evropan maihe.

Geografijan andmused

Rekivanjärven (litv. Rėkyvos ežeras, Rėkyvà) randad oma lidnan suves. Lidn sijadase 103..150 m korktusil valdmeren pindan päl. Matkad Vil'nüshasai om 214 km suvipäivnouzmha, Kaunashasai — 142 km suvhe, Klaipedhasai — 161 km päivlaskmha. Lähembaine järed lidn om Rig 128 km pohjoižpäivnouzmha.

Eläjad da transport

Vn 2011 rahvahanlugemižen mödhe eläjiden lugu oli 109 328 ristitud, heišpäi 93,6 % oma litvalaižed, 4,1 % — venälaižed. Kaikiš suremb ristitišt oli 149 083 eläjad vl 1992.

Avtobusad, taksid da ezilidnelektrojonused oma kundaližeks transportaks. Rahvahidenkeskeine lendimport (SQQ) sijadase lidnan suvipäivnouzmas 7 km keskusespäi, Zokniai-rajonas, vspäi 2004 PAKO:n sodaaviacii kävutab sidä mugažo.

Sport

FA Šäuläi (futbolklub)
FC Gintra

Irdkosketused

Lidnan tobmuden oficialine sait (siauliai.lt). (litv.) (angl.)

Šäuläi Vikiaitas

	Litvanman statistikan agjad da niiden enččed administrativižed keskused
	Alitusan agj (Alitus) \| Kaunasan agj (Kaunas) \| Klaipedan agj (Klaiped) \| Marijampolen agj (Marijampole) \| Panevežisan agj (Panevežis) \| Šäuläin agj (Šäuläi) \| Tauragen agj (Taurage) \| Tel'šäin agj (Tel'šäi) \| Utenan agj (Uten) \| Vil'nüsan agj (Vil'nüs)

This article uses material from the Wikipedia Vepsän article Šäuläi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.