Umm Kul'sum (arab.: أم كلثوم , angl.: Umm Kulthum / Oum Kalthoum), todesine nimi Fatma el'-Zahra bint Ebrahim es-Sajjed el'-Bel'tagi (arab.: فاطمة بنت إبراهيم السيد البلتاجي, angl.: Fatima Ibrahim es-Sayyid el-Beltagi; sünd.
31. tal'vku 1898, Tammai ez-Zahairah-külä, Egiptan hedivat, Osmanan imperii — kol. 3. uhoku 1975, Kair, Egipt) oli egiptine pajatai i aktris, pajoiden kirjutai. Pajati kontral'to-änel, sai avarod tetabut araban mail'mas araban pajoiden edestusel.
Umm Kul'sum | |
Umm Kul'sum läz 1968. vot, hänen jäl'gmäižiš lavastusišpäi | |
nimi sündundan jäl'ghe: |
|
---|---|
radmižen toižend: | |
sündundan dat: | 31. tal'vku 1898[1] |
sündundan sijaduz: | Tamay Ez-Zahayra[d], El Senbellawein[d], Dakahlia Governorate[d], Egiptuse khedivaat[d], Egipt |
valdkund: | Egiptuse kuningriik[d] |
kolendan dat: | |
kolendan sijaduz: | |
Umm Kul'sum VikiAitas |
Pajatajan naižen populärižuz abuti möda hänen sädusiden 300 tuhad diskoid joga vodel kaks'kümne vot surman jäl'ghe.
Fatma oli sündnu Tammai ez-Zahairah-külähä Nilan del'tan randal, külän mečetin Ebrahim-imaman goll'hä kanzha. Neičukaine oli noremb koumen lapsen kesken, Fatma al'-Malegi-mam oli otnus kodiižandushe. Ebrahim-tat pajati praznikoil ližadumha rahoid, i Fatma jäl'genzi da abuti hänele vižvoččes igäspäi. Imam, hänen poig, Fatma-tütär i plemännik sädiba hüväd ansamblid da ajeliba ezinendoidenke. Fatma sai verolišt islamišt kazvatust külän školas.
Vodele 1920 kanzaline ansambl' tegi ezinendoid suriš lidnoiš, Kairas-ki, kanz sirdihe sihe vl 1923. Sil-žo vodel Fatma allekirjuti kontraktad saksan Odeon-kompanijanke i vajehti religiozišt repertuarad sur'il'man pajoikš. Vll 1936−1947 pajatai vändi fil'miden rolid mugažo. Jätksi pajatajan kar'jerad 1970-nzihe vozihesai.
Pajatai besedoiči severzidenke-se mužikoidenke, no ei olend lähtnu mehele.
This article uses material from the Wikipedia Vepsän article Umm Kul'sum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.