Sillamäe

Se om valdkundan kümnenz' lidn eläjiden lugun mödhe.

Sillamäe

Lidnanznam	Flag
Valdkund	Estinma
Eläjiden lugu (2017)	13,481 ristitud
Pind	11,67 km²
Pämez'	Tinis Kalberg (2013—)
Telefonkod	+372−39-xx-xxx
Aigvö	tal'vel UTC+2, kezal UTC+3

Eländpunkt mainitase ezmäižen kerdan vl 1502. Kurortžilo sai lidnan statusad vl 1957.

Vl 1928 saudihe tegint ümbriradamha palabad šoidkived, se oli muretud Toižen mail'man sodan aigan. Vozil 1947−1991 saubaline territorii oli, nimitihe sidä Narv-10-eländpunktaks (est.: Narva-10). NSTÜ:n aigan ümbriradoihe uranan kivendod da koncentratad sen hapandusihe. Jäl'ghe 1990 vot sadas harvoid mametalloid vaiše, vspäi 2011 tegim om amerikaižen Molycorp-korporacijan pala.

Sillamäen ižandusen päsarakod oma harvoiden mametalloiden samine kivendospäi (Molycorp Silmet), meriterminal lähižiden himižedheotandoiden täht (Kohtla-Järve), energetine (lämuzelektrostancii), mugažo betontegim, oludtegim i plastiktegesiden edheotand oma olmas lidnas.

Lidn sijadase Suomen lahten suvirandal i Sitke-jogen lanktendan sihe sijas, 18 m keskmäižel korktusel valdmeren pindan päl. Kaks' vezivaradint om jogel lidnan südäimes. Matkad Tallidnhasai om 185 km päivlaskmha E20-avtotedme. Lähembaižed lidnad oma Narv-Jogensu 20 km pohjoižpäivnouzmha meredme vai avtotedme i makundan Jihvi-keskuz 20 km päivlaskmha avtotedme.

Vn 2011 Estinman rahvahanlugemižen mödhe eläjiden lugu oli 14 252 ristitud. Venäkel'žed eläjad oma enambuses lidnas, pol' eläb Venäman rahvahanikusenke heiden keskes. Kaikiš suremb ristitišt oli 20 561 eläjid vl 1989.

Ekonomikan da ohjandusen insitut i Sillamäen profškol oma professionaližen opendusen aluzkundoikš.

Raudten sortiruindstancii om mereportanno. «Tallidn — Narv»-raudten lähembaine stancii om Vaivar (est.: Vaivara), se sijadase 2 km suvhe lidnaspäi.

• Lidnan tobmuden aluzkundoiden oficialine sait (sillamae.ee). (est.) (angl.) (ven.)