Oš (kirg.: Ош, uzb.: Oʻsh) om lidn Kirgizstanan päivlaskmas.
Se om lidn tazovaldkundan alištusenke, valdkundan kahtenz' lidn eläjiden lugun mödhe, om Ošan agjan administrativižeks keskuseks mugažo, ei mülü sihe.
Lidnanznam | Flag |
Valdkund | Kirgizstan |
Eläjiden lugu (2017) | 281,900 ristitud |
Pind | 182 km² |
Pämez' | Taalaibek Saribašov (heinku 2018—) |
Telefonkod | +996−3222 |
Aigvö | UTC+6 |
Eländpunkt mainitase 9. voz'sadaspäi. Se sai lidnan statusad vl 1876.
Oš šingotase šuukkanghiden i tekstilin (puvill) kombinatoil, manalaižiden pompiden tegimel, sömtegimištol (leibän pästand, lihakombinat, tabakan ümbriradmine).
Lidn sijadase Ferganan alangišton päivnouzmas, Ak-Buur-jogen randal (kirg.: Ак-Буура, uzb.: Oqboʻyra 148 km pitte), 870..1100 m korktusil valdmeren pindan päl. Matkad Biškekhasai om 300 km pohjoižpäivnouzmha orhal vai 700 km M43-avtotedme.
Klimat om kontinentaline kuivahk. Kezakun-elokun lämuz om +25 C°, tal'vkun-uhokun 0..−2 C°. Paneb sadegid 416 mm vodes, enamba keväz'kus-sulakus (61..67 mm kus), vähemba heinkus-sügüz'kus (6..9 mm kus).
Kaik 11 žilod ümbrištos oma alištunuded lidnan administracijale: Almalik, Arek, Gulbaar-Toloikon, Džapalak, Keneš, Kerme-Too, Ozgur, Orke, Pätiletk, Toloikon, Teeke. Žiloiden ühthine ristitišt om 25..27 tuhad eläjid.
Vl 2009 lidnan da alištunuziden žiloiden eläjiden ühthine lugu oli 258 tuh. ristituid, žiloita — 232 816 ristitud. Kaikiš suremb ristitišt om nügüd'.
Rahvahad (vaiše lidn, enamba 0,4 % vl 2009): uzbekad — 48,1 %, kirgizlaižed — 43,1 %, venänikad — 2,7 %, turkad — 2,4 %, totarlaižed — 1,2 %, turkmenalaižed — 0,4 %, toižed rahvahad — 2,1 %.
Oš (lidn, Kirgizstan) Vikiaitas |
This article uses material from the Wikipedia Vepsän article Oš (lidn, Kirgizstan), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.