Digor (ven.: Дигора, oset.: Дигорæ, sijaline pagin: Дыгурæ) om Venäman lidn da lidnankund Pohjoižosetijan — Alanijan Tazovaldkundan keskuzpalan lodehes.
Se om Digoran rajonan administrativine keskuz.
Valdkund | Venäma |
Eläjiden lugu (2022) | 10,195 ristitud |
Pind | 9,19 km² |
Pämez' | El'brus Kockiev (2014—) |
Telefonkod | +7−86 733-xx-xxx |
Avtokod | 15 |
Aigvö | UTC+3 (MSK+0) |
Eländpunktan aluz om pandud vl 1852 kuti Vol'no-Hristianovskii-aul. Nimitihe sidä möhemba Novohristianovskoje-žiloks i Hristianovskoje-žiloks (sijaline: Киристонгъæу, oset.: Чырыстонхъæу). Vn 1934 1. päiväl sulakud udesnimitihe žilod nügüdläižikš VCIK:an käskön mödhe. Vn 1964 kezal Digor sai lidnan statusad.
Digor šingotase gofriruindpakuitesen kartonfabrikal i sömtegimišton edheotandoil (leibäntegesed, limonmuiktuz).
Lidn sijadase Ursdon-jogen hural randal (48 km pitte, sijaline pagin: Уорсдон, Terek-jogen hura ližajogi), 448 m ü.m.t. keskmäižel korktusel. Matkad Vladikavkazhasai om 45 km suvipäivnouzmha orhal vai 51 km avtotedme. Lähembaine lidn om Ardon 12 km päivnouzmha orhal vai avtol.
Digor om lidnankundan üks'jäine eländpunkt.
Vn 2010 kaiken Venäman rahvahanlugemižen mödhe eläjiden lugu oli 10 856 ristitud, rajonan viž ühesandest. Vl 2018 lidnan ristitišt oli 10 075 eläjad. Kaikiš suremb lidnan ristitišt oli 12 200 eläjad vll 2000−2001.
Rahvahad (enamba 0,6% vl 2010, ozutadud rahvahudenke): osetinalaižed — 95,7%, venälaižed — 1,8%, lezginalaižed — 0,6%, toižed rahvahad — 1,9%.
Ortodoksižen hristanuskondan Pühän Jumalanmaman Sündundan jumalanpert' om saudud lidnas vll 1999−2002, jumalanradnikoičend vedase osetijan kelel.
Lähembaižed profopendusen aluzkundad ratas Ardon- i Alagir-lidnoiš.
Digor Vikiaitas |
Pohjoižosetijan — Alanijan Tazovaldkundan lidnad | ||
Alagir | Ardon | Beslan | Digor | Mozdok | Vladikavkaz | ||
This article uses material from the Wikipedia Vepsän article Digor, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.