Ajud (rom.: Aiud , mad'j.: Nagyenyed , saks.: Straßburg am Mieresch) om Romanijan lidn valdkundan keskuzpalan lodehes.
Mülüb Alban ümbrikho, sen kahtenz' lidn eläjiden lugun mödhe.
Lidnanznam | |
Valdkund | Romanii |
Eläjiden lugu (2016) | 26,296 ristitud |
Pind | 142,52 km² |
Telefonkod | +40-(0)258 |
Aigvö | tal'vel UTC+2, kezal UTC+3 |
Rimalaine Brukl-eländpunkt (latin.: Brucla) oli olmas lidnan territorijal. Nügüdläine eländpunkt mainitase vspäi 1293 kuti saksan lidn. Lidnuz-jumalanpert' om saudud 13. voz'sadal, lidnusen seinäd — 16.-17. voz'sadoil. Lidnan da jogen nimi libub ph. Egidijan latinižes nimespäi (Aegidius), saudihe ezmäšt jumalanpertid hänen oiktastuseks.
Ajud šingotase turizman keskuseks: lidnan kul'turan sauvused, agroturizm, kalatez da mectuz ezilidnan kukhikahiš tahondoiš vodes läbi.
Lidn sijadase Ajud-jogen randal (Dunain hurapol'ne bassein), 260 m ü.m.t. keskmäižel korktusel. «Buharest — Budapešt»-avtotekeskust läbitab lidnad.
Kaik 4 žilod i 6 küläd mülüdas lidnmunicipalitetha Ajudan ližaks.
Vn 2011 Romanijan rahvahanlugemižen mödhe lidnan eläjiden lugu oli 22 495 ristitud. Kaikiš suremb lidnan ristitišt oli 31 894 eläjad vl 1992. Professionaližen opendusen nell' aluzkundad ratas lidnas, kaik om läz 2,5 tuhad openikoid niiš.
Rahvahad (lidnan eläjad, ozutadud rahvahudenke — 93% vl 2011): romanijalaižed — 79,7%, mad'jaralaižed — 15,8%, čiganalaižed — 4,4%, saksalaižed — 0,1%.
Ajud Vikiaitas |
This article uses material from the Wikipedia Vepsän article Ajud, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.