Lengua Todesca Bassa

Plattdeutsch o Niederdeutsch) el xe na lengua ciacolada inte el Nord de la Zermania e el partien al grupo todesco basso de le lengue zermàneghe ocidentai. Uncuò - dà na retrospetìa de cerca de la seconda metà del XX sècolo -, la xe quasi estinguesta o comunque la xe drìo redùsarse a la varietà de na menoranẑa senpre manco forte inte le rejon confinante al Mar del Nord. Pochìssimi residui de la varietà i xe soravivùi inte la parlada rejonal. Specie la rejon de Hannover, parò, tradizionalmente da ascrìvar al todesco basso, intanto la ga adotà el stàndard pi seguro del todesco alto.

Lengua todesca bassa

Plattdütsch, Niedersächsisch, Plattdüütsch e Plattdütsk
Nome locaƚe	Plattdütsch
Tipo	fameja lenguìstega, łéngua e łéngua viva
Parlà in	Germania, Paesi Bassi, Brasil, USA, Argentina, Uruguay, Canada
Autòctono de	Espírito Santo, Rio Grande do Sul, Sassonia Bassa, Vestfàlia, Schleswig-Holstein e Meclemburgo-Pomerania Anterior
Totałe	5 000 000
Caratarìsteghe
Scritura	alfabeto latin
Clasifegasion lenguìstega
łéngua umana łéngue indoeoropee łéngue zermàneghe łéngue zermàneghe osidentałi łéngue ingaevòneghe
Còdazi
ISO 639-2	nds
ISO 639-3	nds
Glottolog	lowg1239
Ethnologue	nds
IETF	nds
Destribusion zeogràfega
I dialeti del todesco basso 1 - 7: sàsson basso ; 8 - 10: todesco basso oriental

La lengua todesca basso la se desferenzia dai dialeti todeschi alti (todesco superior e central), che i costituisse la base de la lengua todesca stàndar, in quanto (cussì cofà le altre lengue zermàneghe ocidentai, overo olandese, ingrese, frison) no la ga subìo la Seconda Rodazion Consonàntega inte el VI sècolo, overo un muamento de algune consonante in posizion determinae (es.: tod. Apfel "Pomo", ma: btod. Appel, cfr. nl. appel, ingr. apple; tod. Tag "di", ma btod. Dag, cfr. nl. dag, ingr. day; tod. Buch "libro", ma: btod. Book, cfr. nl. boek, ingr. book; tod. was "cossa", ma btod. wat, cfr. nl. wat, ingr. what; tod. zehn "diese", ma btod. teihn, cfr. nl. tien, ingr. ten; ecc.).

La lengua todesca bassa la xe tutelada dal 1998 cofà lengua rejonal da l'Union Europea. El còdese ISO 639-2 el xe nds. La so forma stàndard la xe normalmente considerada el dialeto basso sàsson setentrional.

La conprende i do prinsipali ceppi de dialeti parladi inte la Zermania setentrional, el basso sàsson e el basso todesco oriental (varda Dialeti de la lengua todesca). La lengua olandese, che la ga seguìo un proprio svilupo, la gera originariamente na forma de dialeto basso francon.

El termine "basso-todesco", in contraposizion a quelo con cui tecnicamente se ciama la lengua todesca stàndar, overo "alto-todesco" (ted. Hochdeutsch), no'l xe mia dispregiativo nei confronti de sta lengua a favore de la seconda, ma el vol dir senplicemente "el todesco de le tere basse, pianegianti" (così come "alto-todesco" no vol mia dir "la lengua todesca dotta" o "el todesco àulico", ma el indica senplicemente la lengua parlada inte le "tere alte", overo montagnoze).

Le magiori zità de la Zermania in do che la lengua basso-todesca la vien tradisionalmente parlada le xe Amburgo, Dortmund, Essen, Brema, Hannover, Bochum, Bielefeld, Wuppertal, Magdeburgo, Münster, Gelsenkirchen (in westfalico Gelsenkiärken) e Braunschweig. Anca minoranze in altri paesi come la Danimarca o el Paraguay le parla el basso todesco e alcune varianti dialetali le xe presenti in Brasil e nei Stati Unii.

I scritori pi inportanti che i ga doparà el todesco basso i xe Fritz Reuter, Klaus Groth e Wilhelm Busch.

• Lengua todesca

• (DE) / (EN) Pàsine sora la lengua todesca bassa
• (DE) Radio Bremen Online: De Plattsnackers - der Plattdeutsch-Kurs - Corso gratuìo in 19 lezion, co suporti àudio (a cura de Gesine Kellermann) [1] Archivià il 20 de febraro 2008 in Internet Archive.

•   Wiki Commons el detien imàjini o altri file so baso aleman