Ł'Istituto Mater Bonii Consilii (IMBC) ła ze na asociasion de catòłeghi tradisionałisti de cereghi e fedełi che i profesa ła Tezi de Casiciacum, fondà intel disenbre 1985.
Dopo el Consejo Vategan II e l'ativasion del nòvo mazistero el arsivescovo franseze Mons Marcel Lefebvre el ga fondà ła Fraternità saserdotałe San Pio X (FSSPX) par conservar le tradision de ła Ceza catòłega (come ła Mesa tridentina) e in opozision a łe reforme de'l Consejo.
Do profesori de'l Seminario internazionałe San Pio X a Écône, intra sti chive Michel Guérard des Lauriers (autor de'l conosesto Curto esame critego del Novus Ordo Missae e dopo vescovo de ła łinea Thục), i dirigia i seminaristi a capire el problema de l'utorità inte ła Ceza catòłega de'l Vategan II. Ła Fraternità ła ga inposto ła regoła de pregar par Joani Poło II (inte'l canone de ła mesa) e considerało come autentego papa, ma de no scoltarło cuando che'l va drio in materie come l'ecumenismo łibertà rełijoza ecc. parchè ste reforme łe guasta ła Ceza catòłega; chi che no el respeta sta pozision de ła FSSPX el venia butà fora o el nazea fora łu da ła Fraternità.
Ła pozision de ła Fraternità (el reconoscimento ufisałe de i papi che i sostien el Vategan II co l'oblego de dezubedir cuando che i se destaca da ła tradision) no ła ga convinto cuatro preti itałiani (de łora) che inte'l desenbre 1985 (in devosion a ła Madòna de Bon Consejo) i ga fondà l'Istituto Mater Boni Consilii prima a Nichełin e dopo a Verrua Savoia senpre in provinsa de Torin. Inte'l setenbre 1986 do preti a nome de tuti i ze na a Raveau dal vescovo teołogo Michel Guérard des Lauriers, e i so dubi su ła situasion de ła Ceza catòłega de'l Vategan II i ze sta ciarii condividendo ła pozision teòłozega conosesta come Tezi de Casiciacum o sedeprivasionismo; sta tezi ła defenise ła Sede Apostołega ocupà materiałmente ma no formałmente almanco dal 7 de disenbre 1965.
Ł'Istituto el ze inpegnà a dare i sacramenti, a sełebrar łe Mese tridentine o de San Pio V doprando łe rubrighe de San Pio X sensa nominar el nome de'l papa (no una cum), el ga el seminario San Piero martire a Verua Savoja par ła formasion de rełijozi/e, el fa periodicamente i ezersisi spirituałi, conferense, pełegrinaji, el stanpa łibri el scrive ła revista Sodalitium. El ze espanso in Itałia, Fransa, Arzentina, Paézi Basi e Belzo dove sta el vescovo Geert Stuyver che el goerna par dare ła crezema e l'ordinasion de rełijozi/e.
Ł'istituto el ga ciapà i auguri e ła sinpatia de'l vescovo Michel Guérard des Lauriers che el ga aprovà el fin.
video su YouTube
This article uses material from the Wikipedia Vèneto article Istituto Mater Boni Consilii, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.