George Orwell

George Orwell, nome vero Eric Arthur Blair (Motihari, India, 25 zugno 1903 – Londra 21 zenaro 1950), el xe sta un giornalista e scritor ingléxe. Una de le só opere pi famose l'è La fattoria degli animali (1945), in aparenza na fola par butini, in realtà na critica feroce del comunismo in Rusia, con le bestie de la fatoria che se ribella al paron (lo zar de la Rusia) solo par métar in pié na ditatura pezo oncora de prima. L'altra só opera famosa l'è 1984 (publicà inte el 1949), dove l'autor el se imagina un futuro imaginario (ma mia tanto distante da certi regimi tipo l'Union Soviètega) dove el mondo l'è spartio in tri Stati, in ognuno dei quali ghe xe un regime totalitario dove no xe permesso el minimo dissenso da le idee del partio unico che ga el potere, e la gente la vien spià tuto el dì da la polizia con telecamare e microfoni sconti dapartuto.

• Wiki Commons el detien imàjini o altri file so George Orwell