Corte Penałe Internasionałe
La Corte penałe internasionałe (in ingleze: International Criminal Court - ICC, in franseze: Cour pénale internationale - CPI) el ze un tribunałe par crimeni internasionałi che el ga sede inte l'Aia, inte i Paezi Basi.
(en) International Criminal Court (fr) Cour pénale internationale  | |||||
| |||||
_in_The_Hague_01_(cropped).jpg) | |||||
| Dati | |||||
|---|---|---|---|---|---|
| Nome scursà | CPI e ICC | ||||
| Sorte | |||||
| Canpo de laoro | diritto internazionale penale (it)  | ||||
| Łéngua ufisałe | inglezo e franseze | ||||
| Istoria | |||||
| Creasion | 1° de lujo del 2002 | ||||
| 17 de lujo del 1998 | Statuto de Roma | ||||
| Atività | |||||
| Menbro de | |||||
| Menbri | 124 (2023) | ||||
| Governo d'impresa | |||||
| Presidènsa | |||||
| Zestor/diretor | |||||
| Presidente de ła Corte penałe internasionałe | Tomoko Akane (en) | ||||
| Formà da | [[Categoria" was not found. | ||||
| Altri | |||||
Premi
| |||||
| Sito web | icc-cpi.int | ||||
| |||||
La so conpetensa ła ze limitada ai crimeni pì seri, che i revarda ła comunità internasionałe inte ła so union, o sia el zenosìdio, i crìmeni contro l'umanità e i crìmeni de guera (i denomenai crimina iuris gentium), e inte i ùltemi perìodi anca el crìmene de agresion (art. 5, par. 1, Statuto de Roma).
La Corte ła ga na conpetensa conplementare a cheła dei sìngułi Stati, donca ła połe intervegnere soło e solché se i Stati no i połe (o no i vołe) métarse in ato par ła punision dei crìmeni internasionałi.
La Corte penałe internasionałe no el ze un òrgano de l'ONU e no ła va confondesta co ła Corte internasionałe de zustìsia de łe Nasion Unie, anca sta cuà co sede a l'Aia. Ła ga parò racuanti lighi co łe Nasion Unie: par ezénpio el Consejo de seguresa el ga el podere de deferir a ła Corte situasion che altrimenti no łe saria soto ła so zurisdision (art. 13(b), Statuto de Roma).
Lejitimasion e zurisdision
 | Par savèrghene de pì, vardarse ła voxe Statuto de Roma. |
El Statuto de Roma de ła Corte penałe internasionałe el ze sta stipułà el 17 de lujo del 1998 e el definise inte i partegołari ła zurisdision e el funsionamento de ła Corte.
El Statuto el ze entrà in vigor el 1º de lujo 2002 dopo de ła ratìfega da parte del sesantèzemo Stato aderente.
I Stati parte i ze 123 (otobre del 2017), ben pì de ła metà dei 193 stai menbri de l'ONU.
La CPI el ga zurisdision soranasionałe e el połe procesar persone (no Stati nasionałi) responsàbiłi de crìmeni de guera, zenosìdio, crìmeni contro l'umanità, crìmene de agresion cometesti sol teritòrio e/o da parte de uno o pì rezidenti de un Stato parte, inte el cazo inte el cual el Stato in cuestion no el sìpia bon o no el gàpia ła vołontà de prosédar in baze a łe leji de chel Stato e in armonia col derito internasionałe. Ghene conseve anca el fato che anca i crìmeni fati sul teritòrio de un Stato parte, da parte de un sitadin de un Stato no parte, i sarà drento de ła zurisdision de ła Corte.
Un Stato no parte no el ze tegnesto a estradar i so sitadini colpévołi de sti crimeni inte un paeze parte e al dì d'uncó no ghe ze mezi de coercision internasionałi par spénzar i Stati no parte a réndarse a łe dimande de ła Corte internasionałe; el problema, oncora deso verto, el ze cazomai ła ezistensa de tratai internasionałi (diti SOFA) che i ghe atribuisa imunità a soldai de un Stato no parte co che i ze inte el teritòrio de un Stato parte.
Notasion
Altri projeti
Wiki Commons el detien imàjini o altri file so Corte penałe internasionałe
Linganbi foresti
- (inglezo) Sito ufisałeicc-cpi.int. Sconosesta: inglezo (juto)
- (FR) Sito ufisałeicc-cpi.int.
- IntlCriminalCourt (canale ufisałe)YouTube.
- (EN) International Criminal CourtEnçiclopedia Britannica, Encyclopædia Britannica, Inc.
| Controło de autorità | VIAF (EN) 145372028 · ISNI (EN) 0000 0004 0501 4882 · LCCN (EN) no99002571 · GND (DE) 3042935-3 · BNF (FR) cb135270116 (data) · NLA (EN) 36587622 · NDL (EN, JA) 01104549 · WorldCat Identities (EN) no99-002571 |
|---|
This article uses material from the Wikipedia Vèneto article Corte penałe internasionałe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.