Oʻzbekiston Respublikasi Suv Xoʻjaligi Vazirligi: Oʻzbekiston hukumati vazirligi
Oʻzbekiston Respublikasi Suv xoʻjaligi vazirligi – Oʻzbekistonda suv xoʻjaligi sohasida davlat siyosatini amalga oshiruvchi davlat boshqaruv organi.
| Turi | suv xoʻjaligini nazorat qilish |
|---|---|
| Maqomi | Vazirlik |
| Ishga tushgan sanasi | 1991-yilda |
| Tugatilgan | 2018-yilda |
| Joylashuvi | Toshkent shahri, Mirzo Ulugʻbek tumani, Qorasuv-4 mavzesi, 11-uy |
| Hududiy xizmati |  Oʻzbekiston |
| Vazir | Shavkat Hamroyev |
| Bosh mahkamasi | Vazirlik |
| Vebsayti | suvchi.gov.uz |
| Til(lar)i | Oʻzbek, Rus |
Tarixi
1991-yilda Qishloq xoʻjaligi va melioratsiya vazirligi tashkil topgan. 1996-yilda Qishloq va suv xoʻjaligi vazirligiga aylantirilgan. 2018-yil 12-fevralda ikkita vazirlikka: Qishloq xoʻjaligi vazirligi va Suv xoʻjaligi vazirligiga ajratildi.
Vazirlikning vazifalari
- qishloq xoʻjaligini zamonaviylashtirish va barqaror rivojlantirishga qaratilgan yagona agrotexnika siyosatini amalga oshirish;
- zamonaviy agrotexnologiyalarni takomillashtirish va qishloq xoʻjaligi ishlab chiqarishi tarmoqlariga joriy etish;
- qishloq xoʻjaligi tovar ishlab chiqaruvchilariga bozor prinsiplari va mexanizmlari asosida xizmat koʻrsatayotgan tarmoqlar, boʻgʻinlar va tuzilmalar faoliyatini muvofiqlashtirish;
- agrar sektorda iqtisodiy islohotlarni chuqurlashtirish, ijara munosabatlarini, oila pudratini, fermer xoʻjaliklarini keng rivojlantirish ishlarini muvofiqlashtirish;
- qishloq xoʻjaligini yuritishni va qishloq xoʻjaligi ekinlarini navlar boʻyicha joylashtirishni takomillashtirishga doir tavsiyalar ishlab chiqish;
- seleksiya, urugʻchilik, naslchilik ishlari, veterinariya, oʻsimliklar karantini sohasida davlat siyosatini olib borish hamda chorvachilik, parrandachilik va baliqchilik mahsulotlari xavfsizligini taʼminlash;
- irrigatsiya tizimlarini havzalar boʻyicha boshqarish prinsiplari asosida er usti suv resurslarining davlat boshqaruvini amalga oshirish va barcha darajalarda suvdan foydalanishning va suv isteʼmolining bozor prinsiplarini joriy etish;
- davlat suv xoʻjaligi tizimidan foydalanilishini va uning zamonaviylashtirilishini taʼminlash;
- ilgaridan sugʻoriladigan yerlarning meliorativ holatini yaxshilash va yangi yerlarni oʻzlashtirish chora-tadbirlarini amalga oshirish;
- qishloq, suv va oʻrmon xoʻjaligida investitsiya siyosatini ishlab chiqishda qatnashish;
- yer va suv resurslaridan foydalanish toʻgʻrisidagi qonun hujjatlariga qatʼiy rioya etilishini taʼminlash;
- oʻrmon xoʻjaligidan foydalanish, uni qoʻriqlash, himoya qilish va rivojlantirish sohasida davlat siyosatini amalga oshirish;
- oʻziga qarashli tashkilotlar va korxonalarni ilmiy-texnik va axborot bilan taʼminlash;
- qishloq, suv va oʻrmon xoʻjaligi rahbarlari va mutaxassislarini oʻqitish, qayta tayyorlash va ularning malakasini oshirish;
- qishloq xoʻjaligida oʻsimliklarni kimyoviy va biologik himoya qilish, oʻsimliklar kasalliklarining oldini olish va qishloq xoʻjaligi zararkunandalariga, begona oʻtlarga va chigirtkaga qarshi kurashish boʻyicha yagona texnika va texnologiya siyosatini oʻtkazish.
Vazirlar
- Qishloq va suv xoʻjaligi vazirlari
- 1996—2002 – Nosirjon Yusupov
- 2002—2005 – Abduvohid Joʻrayev
- 2005—2009 – Sayfiddin Ismoilov
- 2009—2013 – Zafar Roʻziyev
- 2013—2016 – Shuhrat Teshayev
- 2016—2018 – Zoir Mirzayev
- Suv xoʻjaligi vazirlari
- 2018-yildan – Shavkat Hamroyev
Manbalar
Havolalar
This article uses material from the Wikipedia O‘zbek article Oʻzbekiston Respublikasi Suv xoʻjaligi vazirligi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Matndan CC BY-SA 4.0 litsenziyasi boʻyicha foydalanish mumkin (agar aksi koʻrsatilmagan boʻlsa). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki O‘zbek (DUHOCTRUNGQUOC.VN) is an independent company and has no affiliation with Wiki Foundation.