Demokratiya Va Milliy Birlik Kuni

2016-yil 15-iyuldagi davlat toʻntarishiga urinish chogʻida hayotdan koʻz yumgan 240 dan ortiq tinch aholi, politsiya va askarlar xotirasi uchun umumiy bayram eʼlon qilingan.

Turk Qurolli Kuchlari tarkibida „Yurtda tinchlik kengashi“ nomi ostida tashkil etilgan bir guruh askar 2016-yilning 15-iyul kuni 65-Turkiya hukumati va Turkiya Prezidentiga qarshi toʻntarishga urindi. 16-iyul kuni ertalab Turk Qurolli kuchlari shaxsiy tarkibi va Xavfsizlik Bosh boshqarmasi tomonidan olib borilgan amaliyotlar natijasida davlat to‘ntarishiga urinish bostirilgan. Hodisalar natijasida toʻntarishga qarshi chiqqan kamida 248 kishi (180 nafar tinch aholi, 62 politsiyachi, 6 askar) hayotdan koʻz yumgan. Xotira kunining nomi dastlab Demokratiya va qarshilik ko‘rsatish huquqi kuni sifatida qabul qilingan, keyin esa Demokratiya va milliy birlik kuni deb o‘zgartirilgan.

Prezident Rajap Tayyip Erdogʻan 27-Muxtorlar Yigʻilishida: "Kechagi Milliy Xavfsizlik Kengashi yigʻilishida 15 iyul hukumatga „Demokratiya va erkinliklarni xotirlash kuni“ sifatida tavsiya etildi, endi har 15 iyul kun sifatida bayram boʻladi, shahidlarimiz va faxriylarimizni xotirlash uchun" iborasini ishlatgan. Bosh vazir Binali Yildirim esa 2016-yil 11-oktabrda qonun loyihasi tayyorlanib, deputatlar imzosiga taqdim etilganini maʼlum qildi. 2016-yil 29-oktabrdagi Rasmiy gazetada eʼlon qilingan 6752-sonli qonun bilan 15-iyul „Demokratiya va milliy birlik kuni“ nomi bilan dam olish kuni deb eʼlon qilindi.