Qo'shiq Arcade

2019-yil 7-martda qoʻshiq raqamli formatda chiqarilgan.

Qoʻshiq Duncan Lawrence, Joel Xe, Wouter Hardy va Will Knox tomonidan yozilgan. Tanlov uchun qoʻshiqlarning toʻliq roʻyxati eʼlon qilingandan soʻng, „Arcade“ chinakamiga favoritga aylandi va tanlov oxirigacha shunday boʻlib qoldi.

Intervyularning birida Lawrence: „Tilburgdagi Rok akademiyasida oʻqiyotganimda, men katta auditoriyaga qanday yuzlanishni oʻrgandim. Menga taʼsir qilgan, oʻzim yoki boshqa birov uchun nimanidir anglatuvchi hikoyalarni qidirdim va sevimli insoni yoshligida olamdan oʻtgan bir sevgan insonning hikoyasidan ilhomlandim. Qoʻshiq soʻzlari va akkordlarini chin yurakdan yozganman. Joel Xe va Wouter Hardy yordamida biz Arcade hikoyasini yaratdik. Arcade – bu bir umrlik sevgingizni topish haqidagi hikoya. Soʻz, erishib boʻlmaydigandek tuyulgan narsaga erishishga umid qilish haqida boradi. Men Arcadeni yozganimdan soʻng juda koʻp qoʻshiqlar yozdim, lekin Arcade orqali insonlarning yuragiga, qoʻshiqlarim orqali kirib borishim mumkinligini sezdim“ deb aytgan.

Gollandiyalik teleboshlovchi Duncan Lawrenceni tanlaganidan soʻng, ushbu qoʻshiq Eurovision 2019 qoʻshiq tanlovida Niderlandiya nomidan ishtirok etish uchun tanlangan. 2019-yilning 28-yanvarida har bir davlat, ikki yarim finaldan biriga yoʻl olishi uchun maxsus qur’a tashlash marosimi boʻlib oʻtdi. Niderlandiya 2019-yil 16-may kuni boʻlib oʻtgan ikkinchi yarim finalga yoʻl oldi va shouning ikkinchi yarmida chiqishi rejalashtirilgan. Lawrence yarim finalda 12-oʻrinni egallab finalga yoʻllanmani qoʻlga kiritdi va 498 ochko bilan finalda gʻalaba qozongan.