ζῷον — живот + λόγος — учение, тодос) — животъёс сярысь наука, биологилэн люкетэз, кудӥз эскерылэ животной дуннелэсь троспӧртэмлыксэ, животъёслэсь мугор лэсьтӥськемзэс но улэм-вылэмзэс, соослэсь вӧлскемзэс, улон котыренызы герӟаськемез, индивидуальной но исторической азинскемзылэсь закономерностьёссэ. Зоология юн герӟаськемын адямилэн производственной уженыз, Музъемлэсь животной дуннезэ уже кутонэн, выльдонэн но утёнэн.
Зоологилэн люкетъёсыз
Эскерон ужпумъёсъя зоология люкиське кӧня ке инъет дисциплинаослы, но эскероно объектъёсъя — кӧня ке юрттӥсь дисциплинаослы.
Инъет дисциплинаос Систематика; Морфология; Эмбриология; Физиология; Этология; Экология; Зоогеография. Юрттӥсь дисциплинаос Лытэм-сьӧмтэм животъёслэн зоологизы: Протозоология — одӥг клеткаё организмъёс сярысь наука. Планктология — планктон эскерись наука. Гельминтология — кӧлъёс сярысь наука. Нематология — котырес нумыръёс сярысь наука. Аннелидология — кульчоё нумыръёс сярысь наука. Артроподология — ёзокукоос (ёзопыдоос) сярысь наука. Арахнология — чонари выллемъёс сярысь наука. Акарология — лемтэйёс сярысь наука Карцинология — кисло-кусло выллемъёс сярысь наука. Энтомология — нымы-кибыос сярысь наука. Книдариология — книдариос сярысь наука. Малакология — куалемъёс сярысь наука. Сюрлыослэн зоологизы: Ихтиология — чорыгъёс сярысь наука. Герпетология — мувырын но вуын улӥсьёс, нюжветлӥсьёс сярысь наука. Орнитология — тылобурдоос сярысь наука. Териология — нонтӥсьёс сярысь наука. Приматология — приматъёс сярысь наука. Кинология — пуныос сярысь наука. Иппология — валъёс сярысь наука. Родентология — йырйисьёс сярысь наука. Кетология — китъёс тусоосты (китъёсты, дельфинъёсты но мукетъёссэ) эскерись зоологилэн люкетэз. Хироптерология — зоологилэн (териологилэн) урткыӵъёс эскерись люкетэз. Фелинология — гурт коӵышъёслэсь анатомизэс но физиологизэс эскерись зоологилэн люкетэз. Литература
This article uses material from the Wikipedia Удмурт кыл article Зоология , which is released under the Creative Commons Attribution-ShareAlike 3.0 license ("CC BY-SA 3.0") ; additional terms may apply (view authors ). Пушкесэз CC BY-SA 4.0 лицензияя кутымон луэ (мукетыз возьматэмын ӧвӧл ке). Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Удмурт кыл (DUHOCTRUNGQUOC.VN) is an independent company and has no affiliation with Wiki Foundation.