Гавриил Дмитриевич Ефимов (февраль 28, 1920, Якут АССР, Сулгачинск суур) – башкы, чогаалчы, поэт, совет болгаш якут хөй-ниити ажылчыны.
Гавриил Дмитриевич Ефимов | |
---|---|
Төрүттүнген хүнү | 1920 февральдың 24 |
Төрүттүнген чери | |
Мөчээн хүнү | 2000 |
Мөчээн чери | |
Ажыл-херээ | общественный деятель, чогаалчы, поэт, меценат, директор школы |
Шаңналдары |
Гавриил Ефимов 1920 чылдың февраль 28-те Амгинск районнуң Сулгачинск суурга төрүттүнген. 1940 чылда Чурапчинскиниң училищезин, 1954 чылда Якутскунуң башкы институдунуң "Ортумак класстарга төөгү башкызы" болур эртемни дооскан.
Ажылчы ажыл-чорудулгазын Гавриил Дмитриевич 1940 чылда Чурапинск, оон Хаяхсытск чеди чыл өөредир школалардан эгелээн.
1942 чылда Кызыл шеригже кыйгырткан, фронтуга связь харылзаа тудуп, 20 дугаар хаак бригадазынга турган. Эрги Руссы районнарынга болган дайнның киржикчизи. Иймен хөлге болган месилдежиишкин үезинде балыглаттырган. Кызыл сылдыс ордени-биле шаңнаттыргаш, төрээн чуртунче ийи даянгыыштыг чанып келген. Ынчан аңаа ооң чаңгыс чер чурттуглары ооң фронтудан чорудуп бергени «Ийэбэр» («Матери») деп шүүлүге аялга чогааткаш ырлап бергеннер. Ол шүлүүн фронтудан «Хотугу сулус» («Полярная звезда») деп сеткүүлче чорудуп турган.
1944-1946 чылдарда Чурапинск райкомга 1-ги секретарлап, комсомол болуп, аныяктар болгаш өскүс арткан чаштар-биле ажылдап чораан.
Кытанахск (1947-1952), Ожулунск (1953-1954) чеди чылдың школаларынга, Республиканың дыл школа-интернадынга (1973), Якутскунуң ГПТУ-7-ге (1978-1982) директорлап ажылдап чораан.
1989 чылда Республиканың инвалидтер каттыжыышкынының даргазы кылдыр соңгуткан. Гавриил Ефимовтуң ачызында инвалидтер ажылдаар цехтер ажыттынган.
1992 чылдан эгелеп Гавриил Дмитриевичиниң удуртулгазы-биле "Зажги свою звезду" деп инвалид чаштарга фестиваль ажыттынган. 1993 чылда инвалидтерге спартакиада эгелээн. Дыка хөй инвалидтерге бажың алырынга дузалан.
Гавриил Ефимов чогаал ажылын база бижип чораан. Ол чогаалдарынга бодунуң чурттап эрткен амыдыралын чуруп көргүскен.
Гавриил Ефимов тос ажы-төлдүң адазы. Ефимовтуң ажы-төлүнүң хөй кезии адазынын изин истеп, башкы шугумунда ажылдап чоруурлар. Ынчангаш ооң ажы-төлү Саха (Якутия) Республиканың башкы династиязының кежигүнү деп демдектиг.
Чурапа суурда Гавриил Ефимовтуң ады-биле кудумчу адын адаан. Чылдың-на Чурапаның школазынга элээди оолдар аразынга маргылдаалар чорудар чаңчылдыг апарган. Ооң ажыл-амыдыралының дугайнда дуңмазы бот-намдар тоожуну «Алаас уола Аратаа» 2005 чылда чырыкче үндүрген.
This article uses material from the Wikipedia Тыва article Ефимов, Гавриил Дмитриевич, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент CC BY-SA 4.0 лицензия аайы-биле (өскези айыттынмаан болза) ажык. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тыва (DUHOCTRUNGQUOC.VN) is an independent company and has no affiliation with Wiki Foundation.