Анна Владимировна Дыбо (1959 чылдың июнь 4-те төрүттүнген) — совет болгаш российжи лингвист, түрколог, компаративист.
Филология эртемнериниң доктору (1992), 2008 чылдың май 29-тан тура Төөгү болгаш филология эртемнер талазы-биле РАН-ның корресподент-кежигүнү. Москваның компаративистика школазының толээзи. Лингвистер В.А. Дыбо биле В.Г. Чурганованың уруу.
М. В. Ломоносов аттыг Москваның күрүне университединиң Филология факультединиң теоретиктиг болгаш ажыглалдыг дыл салбырын дооскан (1981), диплом ажылы «Деклинационные различия в новгородских диалектах XIII-ХIV вв. и проблема локализации письменных памятников». ССРЭ-ниң Эртемнер академиязының Орус дыл институдунуң бот-өөредилгелиг аспирантуразын дооскан. РЭА-ның Дыл эртеминиң институдунуң урал-алтай дылдарының салбырының эргелекчизи. РГГУ-нуң Чөөн культуралар институдунуң компаративистиктиг төвүнүң башкарыкчы эртем ажылдакчызы. Анна Дыбога онза үнелиг алтай дылдарның болгаш культураның үндезин хевирин тургускан семантиктиг ажылдары хамааржыр.
«Семантическая реконструкция в алтайской этимологии» (1991) деп кандидат диссертациязын камгалап алырга, анаа филология эртемнериниң доктор чадазын тывыскан. РФ ВАК-тың филология болгаш уран-чүүлдүң эксперт чөвүлелиниң кежигүнү (2013-2018), 2019 чылдан тура ВАК-тың кежигүнү.
«Сравнительно-историческая грамматика тюркских языков» деп алды томнуг улуг эртем ажылынын (М., 1984-2006) база хөй томнуг ам-даа үнүп турар «Түрк дылдарның этимологтуг словарының» кезек чүүлдериниң автору. Европаның Лингвистиктиг атлазының тургузукчуларының бирээзи.
«Ак Торна» деп түрк дылдыг шүлүктер очулдурар делегей чергелиг мөөрейниң жюри кежигүнү (2012). «Известия РАН. Серия литературы и языка» сеткүүлдүн редколлегиязының иштинче кирип турар. 2019 чылда тургустунган Фонд сохранения и изучения родных языков народов Российской Федерации чагыргазының кежигүнү кылдыр кирип турар.
Өг-бүлелиг, 3 ажы-төлдүг. Баштайгы өөнүң ээзи — лингвист С.А.Крылов.
This article uses material from the Wikipedia Тыва article Дыбо, Анна Владимировна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент CC BY-SA 4.0 лицензия аайы-биле (өскези айыттынмаан болза) ажык. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тыва (DUHOCTRUNGQUOC.VN) is an independent company and has no affiliation with Wiki Foundation.